voco St David’s Caerdydd yn lansio pecyn unigryw 'Diod a Siopa’ mewn partneriaeth â John Lewis Caerdydd

Dydd Iau, 31 Hydref 2024

Mae’r gwesty eiconig pum seren voco St David’s Caerdydd yn falch o gyhoeddi ei pecyn newydd ‘Diod a Siopa’, a lansiwyd mewn partneriaeth â siop adrannol John Lewis yng Nghaerdydd.

Gan gynnig y cyfuniad perffaith o foethusrwydd a therapi siopa i westeion, mae’r pecyn unigryw hwn wedi’i gynllunio ar gyfer siopwyr sy’n chwilio am ddihangfa soffistigedig.

Mae’r pecyn ‘Diod a Siopa’ yn cynnwys arhosiad moethus dros nos mewn steil gyda brecwast yn voco St David’s, ynghyd â choctel clasurol i’w fwynhau cyn neu ar ôl y sbri siopa.

Bydd y gwesteion hefyd yn mwynhau gostyngiad unigryw o 10% ar ddillad menywod a dynion yn John Lewis Caerdydd. I’r rhai sydd am uwchraddio eu profiad siopa, mae’r pecyn yn cynnig yr opsiwn i archebu sesiwn siopa bersonol yn John Lewis, fydd yn cynnig cyngor arbenigol ar steil a gwasanaeth personol i helpu cwsmeriaid i ddod o hyd i’r ychwanegiadau cwpwrdd dillad perffaith.

Mae’r profiad siopa personol yn John Lewis yn cynnig sesiwn un-i-un wedi’i theilwra i gwsmeriaid gyda steilydd pwrpasol. P’un a ydych yn edrych i adnewyddu eich cwpwrdd dillad tymhorol, dod o hyd i’r wisg berffaith ar gyfer achlysur arbennig, neu dim ond angen rhywfaint o ysbrydoliaeth, bydd y tîm arbenigol yn John Lewis yn curadu detholiad o ddillad sy’n addas i’ch steil, eich anghenion a’ch cyllideb. Mae’r gwasanaeth personol hwn wedi’i gynllunio i helpu cwsmeriaid i wneud dewisiadau hyderus, gwybodus wrth fwynhau profiad siopa esmwyth.

Mae Caerdydd, prifddinas Cymru, yn prysur ddod yn brif gyrchfan siopa yn y DU. Gyda chymysgedd bywiog o siopau bwtîc o’r radd flaenaf, siopau annibynnol, a siopau adrannol enwog fel John Lewis, mae’r ddinas yn cynnig rhywbeth i bob siopwr. Mae St David’s, canolfan siopa fwyaf Caerdydd, yn bellter byr o voco St David’s ac mae’n cynnwys ystod amrywiol o’r brandiau gorau, gan ei wneud yn fan delfrydol ar gyfer diwrnod o siopa moethus.

Gall gwesteion hefyd archwilio arcedau swynol Caerdydd, lle mae siopau bwtîc unigryw a dylunwyr lleol yn arddangos eu gwaith. Mae cynllun cywasgedig y ddinas a strydoedd addas i gerddwyr yn ei gwneud hi’n hawdd chwilio’r ffordd, gan sicrhau profiad siopa heb straen.

Wedi’i leoli ym Mae Caerdydd, mae voco St David’s yn adnabyddus am ei ddyluniad cyfoes, ei amwynderau moethus, a’i olygfeydd glan dŵr trawiadol. Fel gwesty pum seren, mae’n cynnig profiad heb ei ail i westeion, gan gyfuno lletygarwch cynnes Cymru â cheinder rhyngwladol. Mae’r pecyn ‘Diod a Siopa’ yn cynnwys arhosiad dros nos yn un o ystafelloedd cain y gwesty, gan gynnig yr encil perffaith ar ôl diwrnod o therapi siopa.

Dywed Konstantin Grimm, Rheolwr Cyffredinol voco St David’s Caerdydd:
“Rydym yn falch iawn o fod yn bartner gyda John Lewis i gynnig y profiad gwych hwn i’n gwesteion. Mae gan Gaerdydd gymaint i’w gynnig fel cyrchfan siopa, ac mae ein pecyn ‘Diod a Siopa’ yn rhoi cyfle perffaith i archwilio’r ddinas wrth fwynhau moethusrwydd a chysur ein gwesty. P’un a ydych chi’n siopa am gwpwrdd dillad newydd neu’n mwynhau penwythnos i ffwrdd, mae’r pecyn hwn wedi’i gynllunio i wneud eich arhosiad yn fythgofiadwy.”

Ychwanegodd Cliff Vanstone, Pennaeth Cangen John Lewis Caerdydd:
“Rydym yn llawn cyffro i gydweithio â voco St David’s Caerdydd ar yr arlwy unigryw hwn. Mae ein gwasanaeth siopa personol yn berffaith i’r rhai sydd am wella eu profiad siopa gyda chyngor arbenigol a detholiad wedi’i guradu o’r ffasiwn ddiweddaraf. Ynghyd â llety moethus y gwesty, mae’r pecyn hwn yn cynnig profiad bythgofiadwy o Gaerdydd.”

Mae’r pecyn ‘Diod a Siopa’ ar gael am gyfnod cyfyngedig, gan ei wneud yn esgus perffaith am wyliau dinas moethus yng Nghaerdydd. I archebu’ch arhosiad, ewch i stdavids.vocohotels.com/offers neu cysylltwch â’r gwesty yn uniongyrchol.