HOCI CYMRU

Fel y Corff Llywodraethu Cenedlaethol ar gyfer hoci yng Nghymru, mae Hoci Cymru yn gweithio’n galed i gefnogi’r gamp ledled y wlad, yr holl ffordd o lawr gwlad i lefel genedlaethol a rhyngwladol.

Mae ganddynt ddau dîm cenedlaethol i oedolion sy’n cynrychioli Cymru ar lwyfan y byd. Ar gyfer y tymor 21/22, mae dynion Cymru yn 17^eg yn y byd ac yn 8^fed yn Ewrop. Ar gyfer y tymor 21/22, mae Menywod Cymru yn 25^ain yn y byd ac yn 13^eg yn Ewrop.

Mae Hoci Cymru yn aelod o Hoci Prydain Fawr, ac mae eu chwaraewyr yn helpu i ffurfio tîm hynod lwyddiannus Prydain Fawr. Roedd pedwar chwaraewr o Gymru yn rhan o dimau Prydain Fawr yn Tokyo 2020: Jacob Draper, Rupert Shipperley, Sarah Jones, a Leah Wilkinson (sef yr athletwr â’r nifer fwyaf o gapiau yng Nghymru)!

Mae 67 o glybiau hoci ledled Cymru, ac mae rhai o’r clybiau hyn yn chwarae yn y gynghrair hoci uchaf yn y DU. Mae Merched Abertawe yn chwarae yn Uwch Adran Cynghrair Hoci Menywod Vitality, gyda gemau cartref yn cael eu chwarae ym Mhrifysgol Abertawe. Mae tîm Dynion Met Caerdydd yn chwarae yn Adran Un (Gogledd) Cynghrair Hoci Dynion. Mae eu hyfforddiant a gemau cartref wedi’u lleoli yng Ngerddi Sophia, Caerdydd.

Mae Hoci Cymru yn cynnal digwyddiadau amrywiol yng Ngerddi Sophia, o gemau rhyngwladol Cymru i wersylloedd hoci hanner tymor i chwaraewyr ifanc.