Mae Gwledd Fawr Caerdydd yn dychwelyd i Heol y Frenhines ym mis Gorffennaf gyda Bwyd Stryd, Cerddoriaeth Fyw a Hwyl i'r Teulu

Dydd Llun, 29 Mehefin 2026

Mae Gwledd Fawr Caerdydd yn dychwelyd i Heol y Frenhines ym mis Gorffennaf gyda Bwyd Stryd, Cerddoriaeth Fyw a Hwyl i’r Teulu

Mae canol dinas Caerdydd ar fin dod yn fyw eto wrth i Wledd Fawr Caerdydd  ddychwelyd i Heol y Frenhines, Caerdydd (CF10 2GR) o ddydd Iau 9 – dydd Sul 12 Gorffennaf 2026.

Gyda mynediad am ddim, awyrgylch bywiog a rhywbeth ar gyfer pob oedran, bydd y digwyddiad pedwar diwrnod yn dod â ryw 50 o fasnachwyr annibynnol, perfformiadau byw ar lwyfan, DJ byw trwy gydol y penwythnos ac amrywiaeth enfawr o siopa bwyd, diod a chrefft ynghyd.

Oriau agor:

• Dydd Iau 9 Gorffennaf: 10am – 7pm
• Dydd Gwener 10 Gorffennaf: 10am – 7pm
• Dydd Sadwrn 11 Gorffennaf: 10am – 7pm
• Dydd Sul, 10 Gorffennaf: 10 – 5pm

Yn berffaith ar gyfer teuluoedd, ffrindiau a’r rhai sy’n frwd dros fwyd, mae Gwledd Fawr Caerdydd yn rhad ac am ddim ac yn croesawu cŵn, sy’n golygu ei bod yn un o’r digwyddiadau y mae’n rhaid ymweld â nhw yng Nghaerdydd yr haf hwn.

Gall ymwelwyr fwynhau bwyd o bob cwr o’r byd, gyda masnachwyr yn gweini popeth o gŵn corn Corea, sglodion wedi’u llwytho, bwyd stryd Groegaidd, ffefrynnau Mecsicanaidd, cyrri Indiaidd a seigiau Caribïaidd, i ddanteithion melys gan gynnwys Tartenni cwstard Portiwgal, brownis artisan, cwcis, churros, wafflau a cannoli.

Mae’r diodydd sydd ar gael yr un mor drawiadol, gan gynnwys coctels, Pimms, prosecco, tequila, cwrw crefft, seidr traddodiadol, coffi arbenigol a diodydd hafaidd adfywiol.

Ynghyd â’r bwyd a’r diod, gall ymwelwyr grwydro’r stondinau sy’n gwerthu gemwaith wedi’u gwneud â llaw, dillad, crisialau, gwaith celf, persawr, printiau ac anrhegion Affricanaidd, gan greu awyrgylch bywiog yr ŵyl yng nghanol dinas Caerdydd.

Cynhelir gan LSD Promotions, cwmni digwyddiadau teuluol â thros 35 mlynedd o brofiad yn cyflwyno gwyliau a marchnadoedd bwyd llwyddiannus. Mae Gwledd Fawr Caerdydd wedi sefydlu ei hun yn gyflym fel uchafbwynt calendr digwyddiadau Caerdydd.

Dywedodd Siobhan Noake, Rheolwr Cyfathrebu ac Ymgysylltu yn LSD Promotions:

“Rydym yn llawn cyffro i ddod â Gwledd Fawr Caerdydd yn ôl i Heol y Frenhines ym mis Gorffennaf. Yn dilyn ymateb gwych i’n digwyddiad lansio, rydym yn edrych ymlaen at groesawu hyd yn oed mwy o ymwelwyr i brofi bwyd anhygoel, adloniant gwych ac awyrgylch rhagorol yng nghanol y ddinas. P’un a ydych chi’n cwrdd â ffrindiau ar ôl gwaith, yn dod â’r teulu allan am y diwrnod neu’n chwilio am rywbeth sydd yn hwyl i’w wneud yr haf hwn, mae rhywbeth at ddant pawb.”

Methu dod i’r digwyddiad ym mis Gorffennaf?   Mae Gwledd Fawr Caerdydd yn dychwelyd eto yn ddiweddarach eleni o ddydd Iau 24 – dydd Sul 27 Medi 2026.

Manylion y Digwyddiad

📍 Heol y Frenhines, Caerdydd, CF10 2GR
📅 Dydd Iau 9 – Dydd Sul 12 Gorffennaf 2026
⏰ Dydd Iau-Dydd Sadwrn 10am-7pm | Dydd Sul 10am-5pm
🎟 MYNEDIAD AM DDIM
🐾 Croesawu Cŵn
👨‍👩‍👧‍👦 Addas i Deuluoedd
🎶 Adloniant Llwyfan Byw a DJ Byw Drwy’r Penwythnos