Pam ymweld â Llandaf?

Mae Llandaf yn cael ei chydnabod fel un o gymdogaethau mwyaf hanesyddol a hardd Caerdydd. Fel man geni’r awdur plant annwyl Roald Dahl a lleoliad ffilmio ar gyfer Doctor Who, mae’n cynnig cymysgedd unigryw o hanes a diwylliant. Yn gartref i atyniadau gan gynnwys Eglwys Gadeiriol Llandaf, sy’n dyddio’n ôl i 1107, Cwrt Insole, ac olion Palas yr Esgob, mae Llandaf yn lle gwych i’w archwilio. Er ychydig ymhellach i ffwrdd o ganol y ddinas, mae’n werth ymweld â hi.

CIPOLWG AR LLANDAF

❓YN ADNABYDDUS AM:
Treftadaeth a mannau gwyrdd
✨ AWYRGYLCH:
Hanesyddol, heddychlon, croesawgar
🚶‍➡️ PELLTER O GANOL Y DDINAS:
45-60 munud ar droed

Dywed Croeso Caerdydd: Wyddech chi y gall grwpiau drefnu taith dywys o amgylch Eglwys Gadeiriol Llandaf am rodd o £5 y pen? Cysylltwch â nhw i archebu.

ATYNIADAU

CWRT INSOLE

Mae gan y plasty hwn 160 mlynedd o hanes cyfoethog a gafodd ei achub gan y gymuned gydag addasiadau hanfodol. Mae ganddo hefyd amgueddfa ar y safle fel y gallwch ddysgu mwy.

EGLWYS GADEIRIOL LLANDAF

Mae’r Gadeirlan yn Ninas hynafol Llandaf, sy'n dyddio o tua 1120. Mae angen gweld y bensaernïaeth syfrdanol i’w chredu.

PALAS YR ESGOB

Yn wreiddiol yn gaer ganoloesol fach, credir i'r palas gael ei adeiladu gan William de Braose a ddaeth yn Esgob yn 1266.

CAEAU LLANDAF

Parcdir rhestredig Gradd II sy'n cynnwys cyrtiau tenis, cyfleusterau bowlio a maes chwarae i blant.

TAFARNDAI

THE MALTSTERS

Cwrw crefft, cwrw cyfandirol, gwinoedd cain a ategir gan fwydlen dymhorol ac ystafelloedd gwely yn yr arddull boutique.

TAFARN YR HEATHCOCK

Tafarn ffyniannus sydd wedi bod yn torri syched pobl leol ers dros 100 mlynedd gyda diodydd tymhorol.

JASPER'S TEA ROOMS

Mae gan Jasper’s Tea Rooms safle ac amgylchedd traddodiadol sy'n addas i deuluoedd, gydag ystod eang o wahanol fathau o goffi a chacennau cartref i’w mwynhau.

THE POTTING SHED

Caffi newydd, modern wedi'i leoli yng ngerddi hyfryd Cwrt Insole sy'n gweini bwyd da, cynaliadwy a chartrefol.

CHWANT BWYD?

PORRO

Mae bwyty Eidalaidd Porro yn arbenigo mewn bwydlen amrywiol sy'n newid yn gyson o fwyd Prydeinig modern gyda dylanwadau Eidalaidd.

THE BAY LEAF

Dim ond taith fer o fan geni Rhoald Dahl, mae gan y Bay Leaf enw da am weini rhai o'r bwydydd Indiaidd gorau yng Nghaerdydd.

SUMMER PALACE

Wedi'i leoli y tu mewn i adeilad hynafol, un o'r hynaf yn y pentref, mae'n fwyty poblogaidd iawn gyda'r bobl leol.

THE HEATHCOCK

Gan ddefnyddio cig, llysiau a helgig lleol, mae’r Heathcock yn cynnig y cynnyrch gorau ym mhob un o'i brydau.

Dyma ddetholiad bach o’r lleoedd i’w harchwilio yn yr ardal. Am fwy o ysbrydoliaeth, edrychwch ar fap Google isod.

SUT I GYRRAEDD LLANDAF

Cerdded: mae’n bosib cerdded i Landaf o Ganol Dinas Caerdydd mewn llai nag awr. Mae’r rhan fwyaf o’r bwytai, y bariau a’r atyniadau i’w gweld wrth i chi gerdded i lawr y Stryd Fawr a Chlos y Gadeirlan.

Beic: reidiwch eich beic i’r gymdogaeth hon, yna ei adael ger Eglwys Gadeiriol Llandaf. Mae rhagor o wybodaeth am feicio ar gael yma, gan gynnwys y llwybrau beicio gorau a chyfleusterau parcio.

Trên: yr orsaf drenau agosaf yw’r Tyllgoed, tua 15 munud ar droed.

Bws: daliwch Fws Caerdydd rhif 24 neu 25 yng Nghyfnewidfa Fysus Bws Caerdydd ger Gât 4 Stadiwm Principality. Gadewch y bws yn safle bysus Rhodfa’r Gorllewin neu’r Black Lion, nid yw Eglwys Gadeiriol Llandaf yn bell iawn wedyn.

Car: mae’r rhan fwyaf o’r mannau parcio yn strydoedd Llandaf wedi’u neilltuo i drigolion. Mae mannau parcio talu ac arddangos ar gael.

HOFFECH CHI GYMERADWYO RHYWLE?

E-bostiwch ni!

EISIAU CYNNWYS EICH BUSNES?

Rydym wrth ein boddau o weithio gyda lleoliadau newydd. Llenwch ein ffurflen i gael gwybod mwy.

LLENWCH FFLURFLEN HON