Pam ymweld â Glan-yr-afon a Grangetown?

Mae Glan-yr-afon a Grangetown wedi’u lleoli ychydig funudau o ganol dinas Caerdydd ac maent yn cynnig sîn fwyd ffyniannus, marchnadoedd annibynnol, cerddoriaeth fyw ac adloniant. Mae Glan-yr-afon yn adnabyddus am ei safle wrth ochr Afon Taf, gan ddarparu golygfeydd gwych o Stadiwm Principality, mynediad hawdd i Barc Bute a Marchnad Fwyd boblogaidd Glan-yr-afon.

Dim ond taith gerdded fer i ffwrdd, fe welwch Grangetown, ymgorfforiad canol dinas Caerdydd, mae’n boblogaidd ac amrywiol. Yn adnabyddus am ei thai teras Fictoraidd, mannau gwyrdd ac ymdeimlad cryf o gymuned, mae hefyd yn gartref i leoliadau poblogaidd fel Tramshed a DEPOT. Gyda’i gilydd, mae Glan-yr-afon a Grangetown yn cynnig cymysgedd unigryw o ddiwylliant, bwyd a chymeriad lleol, i gyd o fewn pellter cyrraedd hawdd i ganol dinas Caerdydd.

CIPOLWG AR GLAN-YR-AFON A GRANGETOWN

❓YN ADNABYDDUS AM:
Marchnadoedd Bwyd a cherddoriaeth fyw
✨ AWYRGYLCH:
Yn canolbwyntio ar y gymuned, bywiog, yn tyfu
🚶‍➡️ PELLTER O GANOL Y DDINAS:
10-20 munud
ar droed

Dywed Croeso Caerdydd: Ar ddydd Sul mwynhewch Farchnad Glan-yr-afon. Wedi’i lleoli yng nghysgod Stadiwm Principality, mae’n arddangos amrywiaeth o gynhyrchwyr bwyd Cymru.

ATYNIADAU

CANOLFAN GWEITHGAREDDAU DŴR BAE CAERDYDD

Ar gael i bawb o bob gallu - dewch i gymryd rhan mewn gweithgareddau dŵr mewn amgylchedd diogel a chyffrous.

TRAMSHED

Canolfan ar gyfer cerddoriaeth a’r celfyddydau sy’n cynnal rhai o ddigwyddiadau mwyaf poblogaidd Caerdydd mewn adeilad rhestredig hardd.

MARCHNAD FWYD GLAN-YR-AFON

Dewch o hyd i rai o gynhyrchwyr gorau Cymru, gan gynnwys The Handlebar Barista, Pettigrew Bakeries a mwy.

DEPOT

Gofod warws cyffrous a gwreiddiol; yma y cynhelir rhai o ddigwyddiadau pop-yp mwyaf creadigol y ddinas.

MYND AM DDIOD BACH

THE GRANGE

Y lle perffaith i ymlacio yn eu gardd gwrw heulog gyda chwrw go iawn, cwrw crefft a bwyd cartref.

THE CANOPI

Canolfan greadigol, sy'n cyfuno coffi, celf, cerddoriaeth, cymuned a gweithdai yn ystod y dydd a pherfformiadau byw gyda'r nos.

ON THE RIVER

Mewn lleoliad delfrydol ar lan yr afon, mae’r bar hwn yn cynnig diodydd hyfryd a bwyd blasus yn seiliedig ar flasau lleol.

THE PIE BOX

Siop basteiod a becws figan sy'n cynnig danteithion pôb ffres bob dydd a dewis o ddiodydd poeth ac ysgytlaethau.

CHWANT BWYD?

MEROLA'S

Gan weini cynhwysion lleol, mae’r bwyty hwn wedi’i ysbrydoli gan ardaloedd Sorrento ac Arfordir Amalfi. Bwyd Eidalaidd ond naws Caerdydd.

VEGETARIAN FOOD STUDIO

Mae VFS wedi bod o gwmpas ers tua 15 mlynedd ac yn adnabyddus yng Nghaerdydd am eu bwyd llysieuol a figan blasus.

MATSUDAI RAMEN

Gyda phop-yps sydd wedi gwerthu allan ledled y DU, mae'r siop ramen boblogaidd hon wedi ymgartrefu’n barhaol yn Grangetown.

HATSU UDON

Bwyty nwdls udon Japaneaidd yn dod â phrydau traddodiadol, blasus i gymdogaeth Grangetown.

Dyma ddetholiad bach o’r lleoedd i’w harchwilio yn yr ardal. Am fwy o ysbrydoliaeth, edrychwch ar fap Google isod.

SUT I GYRRAEDD GLAN-YR-AFON

Ar droed: Mae modd cerdded i Lan-yr-afon o Ganol y Ddinas mewn tua 20 munud. Ewch ar hyd Stryd y Castell, dros y bont a chyn bo hir fe welwch Arglawdd Dôl Afon Taf o’ch blaen. Mae Glan-yr-afon yn gymdogaeth gymharol fach ac mae modd ei harchwilio ar droed.

Beic: Reidiwch eich beic i’r gymdogaeth hon, a’i barcio ar Arglawdd Fitzhamon. Mae rhagor o wybodaeth am feicio ar gael yma, gan gynnwys y llwybrau gorau, llwybrau beicio a chyfleusterau parcio.

Trên: Yr orsaf drenau agosaf yw Caerdydd Canolog, 10 munud i ffwrdd ar droed.

Bws: Mae llawer o lwybrau Bws Caerdydd yn teithio drwy Lan-yr-afon. Un ohonynt yw bws rhif 8 – dewch oddi ar y bws yng Nghyfnewidfa Fysiau Caerdydd ac fe fyddwch ychydig funudau ar droed o On the River a Marchnad Fwyd Glan-yr-afon.

Car: Mae’r rhan fwyaf o’r mannau parcio ar strydoedd Glan-yr-afon wedi’i neilltuo i breswylwyr. Mae mannau parcio talu ac arddangos ar gael.

SUT I GYRRAEDD GRANGETOWN

Ar droed: Mae’n bosib cerdded i Grangetown o Ganol y Ddinas mewn 20 munud. Ewch dros y bont ac yn eich blaen ar hyd Heol Penarth nes i chi gyrraedd Grangetown.

Beic: Reidiwch eich beic i’r gymdogaeth hon, yna parciwch y tu allan i siop Tesco Express. Mae rhagor o wybodaeth am feicio ar gael yma, gan gynnwys y llwybrau gorau, llwybrau beicio a chyfleusterau parcio.

Trên: Mae gorsaf drenau Caerdydd Canolog 10 munud i ffwrdd ar droed ac mae gan Grangetown ei gorsaf drenau ei hun.

Bws: Daliwch Fws Caerdydd rhif 8 yng Nghyfnewidfa Fysiau Caerdydd a gadewch y bws ar Rodfa Olympaidd. Mae gan Grangetown hefyd ei gorsaf drenau ei hun (Clive Street, CF11 7JB), gallwch deithio o Ganol y Ddinas i’r orsaf mewn 5 munud.

Car: Mae’r rhan fwyaf o’r mannau parcio ar strydoedd Grangetown wedi’u neilltuo i breswylwyr. Mae mannau parcio talu ac arddangos ar gael.

HOFFECH CHI GYMERADWYO RHYWLE?

E-bostiwch ni!

EISIAU CYNNWYS EICH BUSNES?

Rydym wrth ein boddau o weithio gyda lleoliadau newydd. Llenwch ein ffurflen i gael gwybod mwy.

LLENWCH FFLURFLEN HON