Deg rheswm y dylai ymweld â Chaerdydd fod ar frig eich rhestr Nadolig yn 2026

Dydd Mercher, 16 Medi 2026

Gyda dim ond 100 diwrnod i fynd nes i Siôn Corn ymweld eto, mae bron yn bryd dechrau breuddwydio am Nadolig gwyn ac os ydych chi’n dymuno atgofion hudolus, anrhegion meddylgar neu chwistrelliad o hwyl Nadoligaidd yn 2026, dyma ddeg rheswm y dylech ymweld â Chaerdydd unwaith y bydd y goleuadau Nadolig yn disgleirio yn fyw ar Dachwedd 12, a hynny ar frig eich rhestr ddymuniadau.

Llawr Sglefrio mewn Castell

Mae tiroedd prydferth Castell Caerdydd yn lleoliad perffaith ar gyfer sglefrio machlud rhamantus, neu ddiwrnod o hwyl i’r teulu. Mae Llwybr Iâ a llawr sglefrio Gŵyl y Gaeaf Caerdydd yn dychwelyd o 12 Tachwedd 2026 tan 3 Ionawr 2027. Eleni, beth am gasglu eich ffrindiau, eich teulu neu eich cydweithwyr at ei gilydd i roi cynnig ar y Profiad Cyrlio newydd sbon – mae’n hawdd i’w ddysgu, yn hynod gystadleuol, yn hwyl i grwpiau – a’r unig amser y bydd angen i chi frysio ydy archebu eich tocynnau!

Gŵyl y Gaeaf

Does dim gormod o hwyl yn ystod y Nadolig, ac mae Gŵyl y Gaeaf ar lawnt Neuadd y Ddinas yn llawn dop ohono! Mae holl hwyl y ffair – gan gynnwys Olwyn Fawr hygyrch newydd sbon gyda system oleuadau newydd drawiadol a gondolas clyd – adloniant teuluol llond y lle a rhad ac am ddim, neu’r pleser syml o setlo i mewn gyda diod yn y bar sgïo apres Sur La Piste – pa ffordd well o dreulio noson Nadolig! 12 Tachwedd 2026 i 3 Ionawr 2027. Mynediad am ddim.

Profiad goleuedig

Ni fyddai’n Nadolig heb oleuadau a bydd ‘y Nadolig ym Mharc Bute’ yn cynnig llwybr milltir o hyd ohonyn nhw. Ewch am dro drwy bedwar byd hudolus gwahanol, goleuedig – Hud, Rhyfeddod, Gobaith a Llawenydd – pob un wedi’i greu gan arlunwyr lleol a dylunwyr goleuadau blaenllaw’r byd ac yn ail-danio gwir ysbryd y Nadolig. Mae tocynnau ar gyfer y llwybr arobryn, sy’n rhedeg o 19 Tachwedd 2026 tan 31 Rhagfyr 2026, ar werth nawr.

Gwledda’n rhan o’r ŵyl, gyda naws Fictoraidd

Yn newydd eleni, bydd Heol y Frenhines yn cael ei thrawsnewid yn Farchnad Nadolig Fictoraidd Caerdydd. Wedi’i gyflwyno atoch gan y tîm y tu ôl i ‘Gwledd Fawr Caerdydd,’ disgwyliwch stondinwyr mewn gwisgoedd o’r cyfnod, stondinau wedi’u haddurno’n hyfryd, adloniant byw, perfformwyr crwydrol a digon o ddanteithion blasus i’w tynnu i mewn! 12 Tachwedd – 15 Tachwedd (Iau – Sadwrn, 10am-7pm a dydd Sul, 10am – 5pm).

Anrhegion perffaith wedi’u gwneud â llaw

Mae Marchnad Nadolig Caerdydd yn lle perffaith i ddod o hyd i emwaith pwrpasol, bwyd a diod tymhorol, gwaith celf gwreiddiol, gwaith gwydr hardd, cerameg wedi’i gwneud â llaw, cwiltiau a thecstilau wedi’u gwneud â llaw a mwy, i gyd wedi’u crefftio gan wneuthurwyr lleol talentog. Mae pori’r chalets pren traddodiadol yng nghanol y ddinas yn ddarn clasurol o’r Nadolig yng Nghaerdydd. 12 Tachwedd i 23 Rhagfyr 2026 – ar agor yn hwyr (tan 7pm) ar ddydd Iau drwy gydol mis Rhagfyr.

Arcedau Atmosfferig

Roedd pobl Oes Fictoria yn deall y Nadolig i’r dim, ac mae Arcedau Fictoraidd y ddinas yn driw i’r traddodiad. Wedi’u haddurno’n ar gyfer yr ŵyl, mae ‘na hud syml i grwydro drwy’r ddrysfa o arcedau, a stopio am goffi neu damaid o fwyd yn un o’r nifer o gaffis a bwytai annibynnol y byddwch chi’n eu darganfod rhwng y siopau bwtîc. Mae treftadaeth Fictoraidd Caerdydd yn mynd y tu hwnt i’r Arcedau – ei Marchnad Ganolog hanesyddol yw’r lle i fynd am bopeth o ganhwyllau persawrus i fwyd stryd, finyls a dillad retro – hyn oll o fewn pellter cerdded i Farchnad Nadolig Caerdydd.

Siopau blaenllaw

Gyda dros 160 o frandiau, Dewi Sant Dewi Sant yw cyrchfan siopa fwyaf Cymru. Cartref i flaenllaw Zara, H&M a Sephora, llu o fwytai o ffefrynnau teuluol i fwyta cain yn The Ivy, The Ivy Asia & Gaucho, yn ogystal â Hollywood Bowl mwyaf y DU lle gall y teulu fowlio, e-cartio neu chwarae dartiau. Mae ei bensaernïaeth fodern a’i frandiau adnabyddus yn darparu cyferbyniad trawiadol i’r arcedau hanesyddol ac yn ei gwneud yn fan siopa Nadolig na ddylid ei golli.

Cabanau clyd

Angen seibiant o brynu anrhegion i’ch ffrindiau a’ch teulu? Dewch i gwtsio lan yng nghabanau Maes yr Ŵyl y Nadolig hwn. Yn hafan Fafaraidd atmosfferig, Maes yr Ŵyl ar Stryd Working yw’r lle perffaith i ymlacio gyda chwrw a bratwurst a chael ail wynt cyn y rownd nesaf o siopa Nadolig. Ar agor saith diwrnod yr wythnos o 12 Tachwedd,trwy gydol yr ŵyl.

Arhosiadau chwaethus…

Mae’r Nadolig yng Nghaerdydd newydd ddechrau pan fydd y siopau’n cau – mae troi eich taith undydd yn gysgu Nadolig yn un o westai’r brifddinas yn golygu eich bod chi’n cael amser am hyd yn oed mwy o hwyl Nadoligaidd! O rywle modern, ffasiynol yng nghanol dinas brysur i foethusrwydd hamddenol gwesty sba neu noson yng nghraidd ardal hanesyddol Bae Caerdydd, rydych chi’n siŵr o fwynhau hwyl yr ŵyl.

… a digonedd o sioeau

A yw’n Nadolig mewn gwirionedd heb fynd i weld sioe? Ooo nagyw ddim! Bydd tymor Panto yn y Theatr Newydd rhwng 5 Rhagfyr a 3 Ionawr gyda’r cyflwynydd teledu Gethin Jones yn serennu fel Filipe De Boeuf yn Beauty and the Beast. Yn y cyfamser, bydd Canolfan Mileniwm Cymru yn cynnal nid un, ond dwy sioe gerdd boblogaidd – y clasur ‘teimlo’n dda’ Mamma Mia! (30 Tachwedd – 5 Rhagfyr) ac wedi’i ysbrydoli gan stori annwyl Roald Dahl, Matilda the Musical (9 Rhagfyr – 17 Ionawr). Mae tocynnau ar gyfer yr holl sioeau ar werth nawr.

Gyda 100 diwrnod i fynd, rydyn ni’n dal i lunio rhestr Nadolig Caerdydd, felly am fwy o wybodaeth a’r holl fanylion diweddaraf wrth i’r Nadolig nesáu, ewch i: http://www.croesocaerdydd.com/nadolig