Arddangosfa BALCH gyntaf Caerdydd i arddangos wyth portread byw o'r gymuned LHDTCRhA+ Cymru

14 Gorff 2023 · FOR Cardiff

Mae’r llwybr clyweledol sy’n cynnwys straeon personol o gymuned LHDTCRhA+ Cymru, yn dod i ganol dinas Caerdydd y Mis Pride hwn.

O strydoedd Pacistan, clybiau Caerdydd, ystafelloedd aros ysbytai, a ffeiriau ar Ynys y Barri, bydd wyth stori lafar o’r galon yn mynd â gwrandawyr ar deithiau personol a gonest, i gyd yn canolbwyntio ar thema ‘Balch’, gyda phwysigrwydd cynrychiolaeth wrth eu gwraidd.

Mae Caerdydd AM BYTH yn cyflwyno’r llwybr clyweledol arbennig hwn a grëwyd mewn cydweithrediad â’r cwmni straeon llafar, Heard Storytelling – yn benodol ar gyfer pobl Cymru – ar draws canol y ddinas, o 16 Mehefin. Wrth ddathlu thema Blwyddyn Llwybrau Croeso Cymru, bydd yr wyth portread byw hardd yn tynnu pobl o amgylch strydoedd y ddinas ac yn eu hannog i ymgolli yn y straeon llafar go iawn o ddau safbwynt gwahanol. Sganiwch y cod QR wrth ymyl eu delwedd i glywed eu stori wir.

Ymhlith y straeon, bydd pobl yn gallu gwrando ar lais yr artist lleol a phartner cefnogol Pride Cymru, Nathan Wyburn, gan rannu ei stori am frwydro a dyfalbarhad a dylanwad trawsnewidiol cyfeillgarwch. Mae Nathan, artist act amrywiaeth Cymreig, yn adnabyddus am ei bortreadau enwog a’i ddelweddau diwylliant pop, lle mae’n defnyddio cyfryngau anhraddodiadol fel bwydydd ac eitemau cartref.

Rhannodd Wyburn ei gyffro ar fod yn rhan o’r arddangosfa, gan ddweud;

“Mae’n teimlo’n hollol anhygoel i fod yn rhan o arddangosfa BALCH Caerdydd. Un peth rwy’n hynod falch ohono yw bod yn Gymro a bod yn fachgen balch iawn o Gaerdydd; felly i fod yn rhan o hyn, mae’n anrhydedd llwyr.

“Rwy’n gobeithio y bydd unrhyw un sy’n gwrando ar fy stori, yn credu ynddynt eu hunain ac yn peidio â meddwl am y pethau hynny y mae pobl eraill wedi eu cadw yn amau amdanyn nhw ac rwy’n mawr obeithio y bydd yn eu hysbrydoli yn y ffordd honno.”

Mae’r arddangosfa, a grëwyd gyntaf ym Manceinion gan Heard Storytelling, hefyd yn cynnwys awdur arbennig a sylfaenydd Drag Queen Story Hour UK, Aida H Dee a elwir hefyd yn Sab Samuels. Trwy eu stori maen nhw’n gobeithio dangos i’r byd bod yn wahanol i’w ddathlu trwy ddarparu modelau rôl dychmygus i blant edrych arnyn nhw. Dywedon nhw hefyd:

Dywedodd Carolyn Brownell, Cyfarwyddwr Gweithredol (Dros Dro) Caerdydd AM BYTH;

“Rydym yn falch iawn o ddod ag arddangosfa BALCH i ganol y ddinas yn ystod Mis Pride. Mae’r straeon yn wirioneddol gyffyrddol, ac ni allwn aros i’w rhannu gyda’r cyhoedd.

“Wrth i ni barhau â’n gwaith ar gefnogi busnesau yng Nghaerdydd i fod yn rhan o fenter y Ddinas Cydraddoldeb, rydym yn gobeithio y bydd rhannu’r straeon hyn yn helpu i ddod ag ymdeimlad o ddealltwriaeth ac undod i bobl y ddinas. Ein cylch gwaith ni yw gwneud Caerdydd yn ddinas fwy diogel i bawb ac rydym yn gobeithio y bydd yr arddangosfa hon a’i straeon ysbrydoledig yn ein helpu i gymryd cam yn nes at y nod hwnnw.”

Bydd yr arddangosfa ar gael i’w gweld mewn ffenestri siop amlwg o amgylch canol y ddinas, gan gynnwys Lush Spa, Canolfan Dewi Sant a hefyd Cymdeithas Adeiladu Sir Fynwy yr ychwanegodd ei Phennaeth Pobl, Beverley Flood:

“Yng Nghymdeithas Adeiladu Sir Fynwy rydym yn angerddol ac yn ymrwymedig i sicrhau ein bod yn creu diwylliant amrywiol a chynhwysol i’n cydweithwyr, ond hefyd yn gynrychioliadol ac yn gefnogol o’n cymunedau a’n haelodau. Mae bod yn rhan o’r llwybr portreadau byw ledled Caerdydd yn rhoi cyfle gwych i ni ddathlu’r straeon balch a rennir gan bobl o’r gymuned LHDTCRhA+.”

Dywedodd Colette Burroughs-Rose, Cyfarwyddwr Heard Storytelling:

“Adrodd straeon llafar yw un o’r arfau mwyaf pwerus ar gyfer adeiladu cysylltiadau. Mae wedi bod yn fraint llwyr cydweithio â’r storïwyr, gan gydweithio i ddatblygu a rhannu eu profiadau byw. Ein gobaith yw y gallwn ysbrydoli a chyffwrdd calonnau gwrandawyr, gan feithrin ymdeimlad o undod yn y ddinas.”

Hoffwn ddiolch i’n holl storïwyr am ymddiried ynom gyda’u straeon personol iawn a chaniatáu i ni eu rhannu â phobl Cymru. Trwy eu didwylledd a’u haelioni y gallwn ddod â’r straeon dylanwadol hyn yn fyw.”

Am ragor o wybodaeth ac i lawrlwytho’r map llwybr, ewch i: www.forcardiff.com/proud