Awgrym da: Ymwelwch ar ddydd Sul i fwynhau Marchnad Glan-yr-afon. Wedi’i lleoli yng nghysgod Stadiwm Principality, mae’n arddangos amrywiaeth o gynhyrchwyr bwyd Cymru.

Fel mae’r enw’n awgrymu, mae Glan-yr-Afon yn rhedeg ochr yn ochr ag Afon hardd Taf gyda golygfeydd gwych ar draws y dŵr i Stadiwm Principality a dim ond ychydig funudau o waith cerdded sydd i Barc Bute. Mae’n ganddo ysbryd cymunedol sy’n nodweddiadol o ardal sydd lawer ymhellach i ffwrdd o Ganol y Ddinas. Yma ceir marchnadoedd bwyd anhygoel a bwyd Asiaidd.

Dim ond tafliad carreg i ffwrdd mae Grangetown. Mae hon yn ardal nodweddiadol o ganol dinas Caerdydd, ac mae’n ardal sy’n datblygu ac yn amrywiol. Mae pobl Grangetown yn hynod falch o’u cymuned brysur. Gall ymdeimlad o gymuned fod yn brin mewn prifddinas, ond mae gan Grangetown ddigonedd.  Mae hon yn ardal hardd gyda thai teras Fictoraidd, mannau gwyrdd, a digon o dafarndai da i gwrdd â ffrindiau ynddynt.

ATYNIADAU

CANOLFAN GWEITHGAREDDAU DŴR BAE CAERDYDD

Ar gael i bawb o bob gallu - dewch i gymryd rhan mewn gweithgareddau dŵr mewn amgylchedd diogel a chyffrous.

TRAMSHED

Canolfan ar gyfer cerddoriaeth a’r celfyddydau sy’n cynnal rhai o ddigwyddiadau mwyaf poblogaidd Caerdydd mewn adeilad rhestredig hardd.

MARCHNAD FWYD GLAN-YR-AFON

Dewch o hyd i rai o gynhyrchwyr gorau Cymru, gan gynnwys The Handlebar Barista, Pettigrew Bakeries a mwy.

DEPOT

Gofod warws cyffrous a gwreiddiol; yma y cynhelir rhai o ddigwyddiadau pop-yp mwyaf creadigol y ddinas.

MYND AM DDIOD BACH

THE GRANGE

Y lle perffaith i ymlacio yn eu gardd gwrw heulog gyda chwrw go iawn, cwrw crefft a bwyd cartref.

NEIGHBOURHOOD KITCHEN

Cegin bwyd stryd gylchol gyda bwydlenni sy’n newid yn gyson a diodydd i gyd-fynd â nhw, ni fydd unrhyw ddau ymweliad yr un fath.

ON THE RIVER

Mewn lleoliad delfrydol ar lan yr afon, mae’r bar hwn yn cynnig diodydd hyfryd a bwyd blasus yn seiliedig ar flasau lleol.

THE PIE BOX

Siop basteiod a becws figan sy'n cynnig danteithion pôb ffres bob dydd a dewis o ddiodydd poeth ac ysgytlaethau.

CHWANT BWYD?

MEROLA'S

Gan weini cynhwysion lleol, mae’r bwyty hwn wedi’i ysbrydoli gan ardaloedd Sorrento ac Arfordir Amalfi. Bwyd Eidalaidd ond naws Caerdydd.

VEGETARIAN FOOD STUDIO

Mae VFS wedi bod o gwmpas ers tua 15 mlynedd ac yn adnabyddus yng Nghaerdydd am eu bwyd llysieuol a figan blasus.

MATSUDAI RAMEN

Gyda phop-yps sydd wedi gwerthu allan ledled y DU, mae'r siop ramen boblogaidd hon wedi ymgartrefu’n barhaol yn Grangetown.

HATSU UDON

Bwyty nwdls udon Japaneaidd yn dod â phrydau traddodiadol, blasus i gymdogaeth Grangetown.

SUT I GYRRAEDD GLAN-YR-AFON

Ar droed: Mae modd cerdded i Lan-yr-afon o Ganol y Ddinas mewn tua 20 munud. Ewch ar hyd Stryd y Castell, dros y bont a chyn bo hir fe welwch Arglawdd Dôl Afon Taf o’ch blaen. Mae Glan-yr-afon yn gymdogaeth gymharol fach ac mae modd ei harchwilio ar droed.

Beic: Reidiwch eich beic i’r gymdogaeth hon, a’i barcio ar Arglawdd Fitzhamon. Mae rhagor o wybodaeth am feicio ar gael yma, gan gynnwys y llwybrau gorau, llwybrau beicio a chyfleusterau parcio.

Trên: Yr orsaf drenau agosaf yw Caerdydd Canolog, 10 munud i ffwrdd ar droed.

Bws: Mae llawer o lwybrau Bws Caerdydd yn teithio drwy Lan-yr-afon. Un ohonynt yw bws rhif 8 – dewch oddi ar y bws yng Nghyfnewidfa Fysiau Caerdydd ac fe fyddwch ychydig funudau ar droed o On the River a Marchnad Fwyd Glan-yr-afon.

Car: Mae’r rhan fwyaf o’r mannau parcio ar strydoedd Glan-yr-afon wedi’i neilltuo i breswylwyr. Mae mannau parcio talu ac arddangos ar gael.

SUT I GYRRAEDD GRANGETOWN

Ar droed: Mae’n bosib cerdded i Grangetown o Ganol y Ddinas mewn 20 munud. Ewch dros y bont ac yn eich blaen ar hyd Heol Penarth nes i chi gyrraedd Grangetown.

Beic: Reidiwch eich beic i’r gymdogaeth hon, yna parciwch y tu allan i siop Tesco Express. Mae rhagor o wybodaeth am feicio ar gael yma, gan gynnwys y llwybrau gorau, llwybrau beicio a chyfleusterau parcio.

Trên: Mae gorsaf drenau Caerdydd Canolog 10 munud i ffwrdd ar droed ac mae gan Grangetown ei gorsaf drenau ei hun.

Bws: Daliwch Fws Caerdydd rhif 8 yng Nghyfnewidfa Fysiau Caerdydd a gadewch y bws ar Rodfa Olympaidd. Mae gan Grangetown hefyd ei gorsaf drenau ei hun (Clive Street, CF11 7JB), gallwch deithio o Ganol y Ddinas i’r orsaf mewn 5 munud.

Car: Mae’r rhan fwyaf o’r mannau parcio ar strydoedd Grangetown wedi’u neilltuo i breswylwyr. Mae mannau parcio talu ac arddangos ar gael.

HOFFECH CHI GYMERADWYO RHYWLE?

E-bostiwch ni!

EISIAU CYNNWYS EICH BUSNES?

Rydym wrth ein boddau o weithio gyda lleoliadau newydd. Llenwch ein ffurflen i gael gwybod mwy.

LLENWCH FFLURFLEN HON