Pam ymweld â Pontcanna?

Pontcanna yw cymdogaeth chwaethus a gwyrdd Caerdydd. Gall ymwelwyr fwynhau pensaernïaeth hardd, siopau annibynnol, bwytai clodwiw a pharcdir agored. Wedi’i ddisgrifio’n rheolaidd fel “pentref dinas”, mae Pontcanna yn cynnig popeth sydd ei angen arnoch o fewn pellter cyrraedd hawdd. Ymhlith yr atyniadau poblogaidd mae Caeau Pontcanna a Pharc Bute gerllaw, tra bod y sîn bwyd a diod ffyniannus a’r amrywiaeth o fusnesau annibynnol yn ei gwneud yn gyrchfan fywiog i’w harchwilio. Dim ond dafliad carreg oddi wrth canol y ddinas, dyma’r lle perffaith i ymweld ag ef.

CIPOLWG AR PONTCANNA

❓YN ADNABYDDUS AM:
Y bwytai gorau a busnesau lleol
✨ AWYRGYLCH:
Ffasiynol, chwaethus, hamddenol
🚶‍➡️ PELLTER O GANOL Y DDINAS:
10-15 munud ar droed

Dywed Croeso Caerdydd: Yma fe welwch Gorse – bwyty modern Cymreig â seren Michelin, sy’n cynnig bwydlen flasu newidiol sy’n arddangos y gorau o gynnyrch Cymreig tymhorol. Rhaid cadw lle.

ATYNIADAU

TAITH TAF

Gall taith gerdded neu feicio hamddenol roi unrhyw un mewn hwyliau da. Mae'r llwybr yn mynd drwy Gaeau Pontcanna ac yn parhau i'r gogledd gan ddod i ben yn Aberhonddu.

KINGS ROAD YARD

I'r bobl greadigol, mae’n darparu nifer o weithleoedd i artistiaid fel seiri, cynhyrchwyr cerddoriaeth a phobyddion. Trysorau lleol lond y lle!

GERDDI SOPHIA

Mae Gerddi Sophia, cartref Clwb Criced Morgannwg, yn llawer mwy na lleoliad chwaraeon. Mae'n cynnal cyngherddau cerddoriaeth a sioeau.

CANOLFAN GENEDLAETHOL CHWARAEON CYMRU

Cyfleuster elît sy'n darparu amgylcheddau perfformio o'r radd flaenaf i athletwyr. Gall y cyhoedd gael mynediad i ddosbarthiadau ffitrwydd, cyrtiau tennis a llawer mwy.

TAFARNDAI

THE CRICKETERS

Wedi'i leoli mewn tŷ tref Fictoraidd clasurol, taith gerdded fer o Erddi Sophia, mae'r Cricketers erbyn hyn yn ffefryn gan bobl leol ac ymwelwyr fel ei gilydd.

THE PONTCANNA INN

Croeso cynnes, cyfeillgar gyda décor chwaethus, modern a therasau awyr agored gwych – lle gwych i wylio gemau rygbi.

BREWHOUSE & KITCHEN

Ochr yn ochr â bwydlen flasus, gallwch flasu cwrw wedi'i fragu yn y microfragdy ar y safle. Mae croeso i gŵn hefyd!

UISCE BY HEANEYS

Bar gwin ac wystrys atmosfferig, gyda chyfuniad cytbwys o glasuron ac arddulliau eclectig. Awr hapus ar gael bob dydd!

AMSER PANED

BRØD

Mae popeth yng Nghaerdydd, gan gynnwys darn bach o Ddenmarc! Mae'r Becws Danaidd hwn yn hyrwyddo cyfuniad o Hygge a phasteiod blasus.

KIN + ILK

Maent yn gweithredu’n gynaliadwy, gan ddefnyddio coffi arbenigol a bwyd ffres lleol mewn lleoliad arddull ‘pop-yp’ cŵl.

GROUND

Bara a theisennau ffres wedi'u pobi bob bore a chlasuron brecinio unigryw. Mae croeso i gŵn hefyd!

CAFE CASTAN

Mae’r caffi hwn yn falch o weini coffi gourmet a bwyd cartref o’u lleoliad hardd yng Nghaeau Llandaf.

CHWANT BWYD?

HEANEYS

Mae’r bwyty, sy'n cael ei redeg gan y cogydd enwog Tommy Heaney, yn gweini coctêls, gwinoedd di-ri a phlatiau rhannu i'w mwynhau ar eich pen eich hun neu gyda ffrindiau.

SONDER

Bar a bistro sy’n adeiladu enw da i’w hun yn y gymdogaeth am ei fwyd da, diodydd da, ac amseroedd da.

THOMAS BY TOM SIMMONS

Profiad bwyta cain. Mae’r cogydd hwn o orllewin Cymru wedi adeiladu ei fwyty, sy’n rhannu ei enw, ar ddylanwadau Prydeinig a Ffrengig.

GORSE

Bwyty seren Michelin Cymreig modern gan Tom Waters, sy'n dwyn ei ysbrydoliaeth o'r toreth anhygoel o gynnyrch sydd o’n cwmpas.

SUT I GYRRAEDD PONTCANNA

Ar droed: mae’n bosib cerdded i Bontcanna o Ganol Dinas Caerdydd mewn ugain munud. Mae’r rhan fwyaf o’r bwytai, y bariau a’r atyniadau i’w gweld wrth i chi gerdded i lawr Heol y Gadeirlan a Pontcanna Street.

Beic: reidiwch eich beic i’r gymdogaeth hon, yna parciwch ar bwys Caeau Pontcanna. Mae rhagor o wybodaeth am feicio ar gael yma, gan gynnwys y llwybrau beicio gorau a chyfleusterau parcio. Mae beiciau hefyd ar gael i’w benthyg gan Pedal Power yn Gerddi Sophia.

Trên: Taith gerdded fer 20 munud o Gaerdydd Canolog – hefyd yn hygyrch o Barc Ninian a Cathays, sydd yn bellter tebyg.

Bws: daliwch Fws Caerdydd rhif 24 neu 25 yng Nghyfnewidfa Fysus Bws Caerdydd ger Gât 4 Stadiwm Principality.  Gadewch y bws yn safle bysus Rhodfa’r Gorllewin neu’r Black Lion, nid yw Eglwys Gadeiriol Llandaf yn bell iawn wedyn.

Mae’r rhan fwyaf o’r mannau parcio yn strydoedd Pontcanna wedi’u neilltuo i drigolion. Mae mannau parcio talu ac arddangos ar gael.

HOFFECH CHI GYMERADWYO RHYWLE?

E-bostiwch ni!

EISIAU CYNNWYS EICH BUSNES?

Rydym wrth ein boddau o weithio gyda lleoliadau newydd. Llenwch ein ffurflen i gael gwybod mwy.

LLENWCH FFLURFLEN HON