Beth wyt ti'n edrych am?
Gŵyl Foodies yn Cyhoeddi Ei Bod yn Dychwelyd i Gaerdydd ym Mis Mai Mewn Ffordd Ysblennydd
Dydd Llun, 5 Chwefror 2024
Bydd Gŵyl Foodies yn dychwelyd i Barc Bute, Caerdydd, rhwng 10 a 12 Mai, gyda nodweddion newydd sbon a rhestr o gogyddion enwog a sêr cerddoriaeth sydd ar frig y siartiau, gan gynnwys: Er enghraifft, Peter Andre a Cherddorfa Ffilharmonig Ibiza gyffrous gyda lleisiau byw a DJ.
Bydd y digwyddiad tri diwrnod, a elwir yn Gastro-Glastonbury, yn cynnwys arddangosiadau coginio byw gan enwogion teledu a chogyddion o gyfresi MasterChef, Great British Bake Off a Great British Menu.
Mae cyhoeddiadau cynnar yn cynnwys: Pencampwr MasterChef, Tom Rhodes, seren Great British Menu, Tommy Heaney, cogydd-noddwr o Heaney’s and Uisce, Caerdydd, a chystadleuydd MasterChef, Leon Lewis. Mae’r canwr a’r bersonoliaeth deledu, Peter Andre, hefyd yn ymuno â’r cogyddion, gan greu rhai o’i hoff brydau ochr yn ochr â chogyddion enwog.
Dywedodd Peter Andre: “Cerddoriaeth, bwyd a nosweithiau cynnes, y cyfuniad perffaith! Rwy’n edrych ymlaen at berfformio fy hoff ganeuon ar y llwyfan cerddoriaeth, ac rwyf wrth fy modd o gael y cyfle i goginio’n fyw o flaen cynulleidfa gyda chogyddion gwych. Rwy’n hoffi bod yn greadigol gartref a rhoi cynnig ar brydau newydd.”
Gan arddangos y gorau o Gaerdydd a thu hwnt, bydd llawer o gogyddion Michelin ac arobryn, uchaf eu parch y rhanbarth, yn ymddangos hefyd. Gan gynnwys: Carl Cleghorn, Prif Gogydd Gweithredol Thornbury Castle a enillodd 3 rhosglwm AA, Anand George, Cogydd-Noddwr o Purple Poppadom, Caerdydd a argymhellwyd gan Michelin, Justin Llewellyn, Pen-Cogydd Gweithredol The Sorting Room, Caerdydd, a argymhellwyd gan Michelin a enillodd 2 rhosglwm AA, a Dave Killick, Pen-Cogydd yr Heathcock, Caerdydd a argymhellwyd gan Michelin.
Drwy gydol y penwythnos 3 diwrnod, bydd ymwelwyr yn mwynhau amserlen lawn dop o bencampwyr sioeau coginio teledu a chogyddion arobryn yn y theatrau byw rhyngweithiol. Yn Theatr y Cogyddion, bydd enwogion yn creu eu prydau enwog ac yn rhannu awgrymiadau a thriciau newydd, ac yn y Theatr Cacennau a Phwdinau bydd cogyddion patisserie a sêr pobi yn creu campweithiau ac yn cynnig danteithion melys i’ch temtio.
Yn yr ysgol goginio i blant, mae uwch-gogyddion Foodies yn cael hwyl wrth goginio, gan helpu gwesteion iau i baratoi bwyd blasus y gallan nhw ei fwynhau wrth adael.
Mae dosbarthiadau meistr yn y Theatr Diodydd yn cynnwys sesiynau blasu Champagne, cwrw, seidr, coctel a gwin dan arweiniad tiwtor – mae’r cyflwynwyr yn cynnwys arbenigwyr diodydd y BBC, ITV a Channel 4.
Gall ymwelwyr bori trwy’r ffasiynau bwyd diweddaraf yn y Pentref Siopa, cwrdd â chynhyrchwyr lleol yn y Farchnad Artisan a blasu prydau newydd egsotig ac anarferol yn y Babell Wledda – sy’n cynnwys ystod o fwyd stryd i dynnu dŵr i’r dannedd a danteithion o bob cwr o’r byd.
Yn newydd ar gyfer dydd Gwener: mae’r ŵyl yn lansio digwyddiadau adloniant newydd sbon sy’n addas i deuluoedd sy’n cael eu cynnal ym mhob un o’r theatrau byw a bydd oriau agor yn cael eu hestyn tan 10pm. Wrth i’r haul fachlud, bydd Cerddorfa Ffilharmonig enwog Ibiza yn cyflwyno cyfuniad bythgofiadwy o anthemau dawns, lleisiau byw, DJ gwych a cherddorfa fyw gyffrous.
Mae nodweddion ac atyniadau newydd cyffrous eraill yn cynnwys: Brwydrau Cogyddion Teledu, sesiynau barbeciw Pwll Tân, Ysgol Goginio gydag arbenigwyr, Disgo Distaw, Te Parti Gwallgof, cystadlaethau Bwyta Chilli sy’n cynnwys pencampwr presennol y byd, reidiau ffair, artistiaid sy’n cerdded o gwmpas, bandiau milwrol â drymiau, corau, gweithgareddau i blant ac ardaloedd sy’n addas i deuluoedd. Drwy gydol y penwythnos, bydd y Llwyfan Gerddoriaeth yn cyflwyno cerddoriaeth hafaidd gan artistiaid sydd ar frig y siartiau, grwpiau teyrnged gorau, bandiau caneuon adnabyddus a bandiau lleol gwych.
Am y bumed flwyddyn yn olynol, mae’r ŵyl yn cefnogi Musicians Against Homelessness (MAH) a bydd tocynnau yn helpu i godi arian ar gyfer elusen digartrefedd y DU, Crisis.