The Legends in Vegas | After Hours

Gwybodaeth am y Digwyddiad

Brendan, James, Pasha, Vincent ac Ian yn eu Sioe NEWYDD SBON

The Legends in Vegas – After Hours – lle dyw’r llawr dawns byth yn cysgu!

Paratowch ar gyfer y noson allan orau un – mae Vegas – After Hours yn dod â phum seren ddawns Strictly at ei gilydd ar gyfer sioe newydd ysblennydd sy’n dal holl fflach, hudoliaeth a chyffro Las Vegas.

Ar ôl dwy daith lwyddiannus iawn, mae’r sêr Strictly Brendan Cole, James Jordan, Pasha Kovalev, Vincent Simone, ac Ian Waite yn ôl – y tro hwn yn ymuno i greu sioe sy’n dathlu swyn, hudoliaeth a gwefr Las Vegas fel erioed o’r blaen.

Meddyliwch am oleuadau llachar a nosweithiau cyffrous, byrddau roulette yn troelli, perfformwyr hudolus, casinos trawiadol, machlud haul yr anialwch, partïon pwll moethus, priodasau cyflym, gwestai eiconig, ac adloniant o’r radd flaenaf. Mae Vegas – After Hours yn dal y cyfan mewn un noson fythgofiadwy.

Gyda’u partneriaid benywaidd anhygoel, bydd ein pum arwr dawns yn dod ag ysbryd Sin City yn fyw trwy ddawnsiau syfrdanol ac adloniant di-baid – y cyfan gyda thrac sain sydd wedi’i ysbrydoli gan berfformwyr gorau Las Vegas erioed.

Mae The Legends in Vegas – After Hours yn fwy na dim ond sioe – mae’n ddathliad o brifddinas adloniant y byd, gan addo pum arwr, un llwyfan a noson o hud pur Vegas.