Yonaka

Gwybodaeth am y Digwyddiad

Mae Communion One yn cyflwyno Yonaka yn fyw yn Tramshed, Caerdydd

Heddiw, mae’r triawd roc clodwiw o Brighton YONAKA yn rhyddhau eu sengl newydd sbardunol, ‘Hit Me When I’m Sore’. Mae’r trac yn cynnig y cipolwg gwefreiddiol diweddaraf ar eu hail albwm stiwdio hirddisgwyliedig ‘Until You’re Satisfied’, sydd ar fin cael ei ryddhau ar 13 Mawrth trwy Distiller Records. Yn dilyn eu dychweliad pendant, wedi’i nodi gan senglau diweddar ‘Cruel’ a ‘Problems’, mae ‘Hit Me When I’m Sore’ yn arddangos band sy’n llawn hyder o’r newydd wrth i’r cyd-aelodau Theresa Jarvis (llais), George Edwards (gitâr) ac Alex Crosby (bas) baratoi i agor ar gyfer DON BROCO ar eu taith yn y DU ym mis Rhagfyr. Mae ‘Until You’re Satisfied’ yn nodi dechrau pennod newydd gyffrous i YONAKA, yr aeth eu taith fel band â nhw i’r dibyn cyn dychwelyd gydag adfywiad pwerus. Cafodd yr albwm 13-trac llawn egni ei gynhyrchu gan Alex Crosby a Dimitri Tikovoi (Placebo, The Libertines).

Wrth siarad am y sengl newydd ‘Hit Me When I’m Sore’, dywed Theresa Jarvis, Mae Hit Me When I’m Sore yn sôn am fod wedi’ch brifo ond pan rydych chi’n gwybod sut mae’n teimlo, mae’n gallu brifo heb eich torri chi.

Mae YONAKA yn dychwelyd ym mis Medi gyda’u sengl newydd ‘Problems’, gyda chanmoliaeth eang wrth i KERRANG! ddathlu eu dychweliad pendant, NME yn ei gyhoeddi’n ddychweliad angerddol a ROCKSOUND yn ei alw’n gyflwyniad buddugoliaethus i bennod nesaf y triawd.  Agorodd y drws i themâu geiriau yr albwm newydd; y tro cyntaf i Theresa Jarvis lywio YONAKA trwy faterion y galon. Mae’r record hon am gariad ond dyw’r cyfan ddim yn wên i gyd – mae’n sôn am y rhannau budr a’r rhannau anodd sy’n digwydd i bawb p’un a ydych chi’n cyfaddef hynny neu beidio, meddai.

Gwnaeth albwm cyntaf clodwiw YONAKA yn 2019, ‘Don’t Wait Til Tomorrow’, gyda’i sain trwm a’i geiriau cathartig yn twrio i feddwl gorbryderus Theresa Jarvis, arwain atnyn nhw’n dod i’r amlwg gyda llu o gefnogwyr selog. Yn dilyn hyn gwnaethon nhw ryddhau tâp cymysg ‘Seize The Power’, sydd wedi cronni dros 200 miliwn o ffrydiau hyd yn hyn ac wedi ennill rhif 1 yn fyd-eang iddyn nhw ar siart Shazam. Mae’r rhain, ynghyd â’u EP o 2023 ‘Welcome To My House’, wedi cadarnhau enw da YONAKA fel un o’r bandiau roc mwyaf cyffrous a llwyddiannus i ddod i’r amlwg yn ystod y blynyddoedd diwethaf. Fodd bynnag, y tu ôl i’r llenni, roedd sylfaen y grŵp yn teimlo’n llai sicr.

“Mae bod mewn band am gymaint o amser yn golygu’ch bod chi’n tyfu i fyny gyda’ch gilydd ac yn gwneud yr holl newidiadau hyn ac rydych chi’n cyrraedd pwynt lle rydych chi’n cwestiynu ydych chi’n dal yn y lle iawn,” meddai Theresa. “Erbyn hyn rydyn ni wedi bod gyda’n gilydd ers 10 mlynedd, ac rydych chi’n mynd trwy gymaint o wahanol deimladau yn y cyfnod yna: chi yw byd cyfan eich gilydd, ac yna dydych chi ddim yn hoffi eich gilydd, ac yna rydych chi’n caru eich gilydd eto. Aethon ni drwyddo fe yn wirioneddol. Ond ar ôl mynegi’ch problemau o’r diwedd a meddwl amdanyn nhw’n iawn, rydych chi’n sylweddoli dydych chi ddim yn barod i stopio.”

Wrth agosáu at y dibyn i YONAKA newidiodd eu llwybr yn gyfan gwbl. Wrth sylweddoli beth roedden nhw’n agos at ei golli fe wnaeth y tri hen ffrind weithio ac ymladd nid yn unig dros eu band, ond dros y sain a’r egni a’r cyffro maen nhw wastad wedi bod eisiau ei roi ynddo. “Ers hynny, mae bron fel ein bod ni wedi ffeindio ein gilydd eto, ac rydyn ni wedi ffeindio’r stori a’r gerddoriaeth,” meddai Theresa, “a dwi ddim yn meddwl y byddai’r record hon nawr wedi dod hebddo.”

‘Until You’re Satisfied’, felly, yw YONAKA yn hawlio’u hunain yn llawen unwaith eto, ar ôl brwydro o’r dibyn a’u gwthio i’w ffurf fwyaf gwir hyd yma. Sicrwydd boddhad.