Paranormal Activity

Gwybodaeth am y Digwyddiad

Paratowch ar gyfer noson o arswyd syfrdanol wrth i Paranormal Activity, y ffenomen ryngwladol a werthodd y West End, yn cyrraedd Caerdydd fel rhan o’i daith gyntaf erioed yn y DU ac Iwerddon, yn uniongyrchol o Lundain gydag effeithiau arbennig newydd sbon.

Wedi’i ysbrydoli gan y gyfres ffilm eiconig, dychrynllyd, mae’r cynhyrchiad llwyfan newydd iasol hwn yn dod â stori hollol newydd yn fyw, lle mae’r llinell rhwng y byw a’r goruwchnaturiol yn dod yn fwyfwy aneglur.

Pan fydd James a Lou yn symud o Chicago i Lundain mewn ymgais anobeithiol i ddianc o’u gorffennol, maen nhw’n gobeithio y bydd dechrau newydd yn dod â heddwch iddynt o’r diwedd.  Ond mae’n dod yn amlwg yn fuan bod rhywbeth wedi eu dilyn.  Wrth i ddigwyddiadau aflonyddgar ddechrau datblygu, maen nhw’n darganfod gwirionedd dychrynllyd: pobl, nid lleoedd, sy’n cael eu herlid gan ysbrydion.

Yn serennu James Bye (2:22: A Ghost Story, EastEnders) fel James, Hannah Sinclair Robinson (The Play That Goes Wrong, The Curious Incident of the Dog in the Night-Time) fel Lou, Jo Castleton (War Horse) fel Etheline Cotgrave a Caroline Faber (Network, The Heiress) fel Carolanne, mae’r cynhyrchiad afaelgar hwn yn addo profiad theatrig bythgofiadwy.

Yn dilyn cyfres o ddangosiadau estynedig yn Llundain, mae Paranormal Activity wedi cael ei ganmol gan The Guardian fel ‘noson a fydd yn sicr o’ch swyno. Ias sy’n gwneud i chi glensio’ch dannedd a gafael yn eich breichiau.’

Gyda throeon brawychus, llwyfan dyfeisgar ac effeithiau arbennig newydd sbon, bydd y cynhyrchiad iasol hwn yn eich cadw i ddyfalu ac yn eich gadael yn cwestiynu popeth rydych chi’n meddwl eich bod chi’n ei wybod am y goruwchnaturiol.

Meiddiwch brofi un o’r sioeau ias a chyffro theatrig mwyaf poblogaidd drosoch chi’ch hun. Peidiwch â dangos ofn… Chi byth yn gwybod pwy sy’n eich gwylio.