Cyhoeddi Trefniadaeth Digwyddiadau wrth i Ŵyl Eglwys Gadeiriol Llandaf ddychwelyd ar gyfer 2023

26 Meh 2023

Dathliad o ddiwylliant, cerddoriaeth a threftadaeth. Teithiau, sgyrsiau, gweithdai, cyngherddau, digwyddiadau teuluol a gwasanaethau. Mae Gŵyl Eglwys Gadeiriol Llandaf yn rhedeg o ddydd Mawrth 4 Gorffennaf tan ddydd Sul 9 Gorffennaf yn 2023 ac mae tocynnau eisoes ar werth.

Dechreuodd Ŵyl Llandaf yn wreiddiol ym 1958 a rhedeg am 30 mlynedd nodedig, ac roedd yn rhan bwysig o fywyd Caerdydd cyn adeiladu Neuadd Dewi Sant. Yn y gorffennol denodd yr ŵyl weithiau cerddorfaol mawr, cerddoriaeth siambr a datganiadau piano gan unawdwyr rhyngwladol enwog, ac roedd ganddi record drawiadol o gomisiynau gan gyfansoddwyr Cymreig gan gynnwys Alun Hoddinott, William Mathias a llawer mwy. Yn fwy diweddar, ail-lansiwyd yr Ŵyl am gyfnod byr fel rhan o’r apêl Organ rhwng 2008 a 2013. Am y tro cyntaf ers 9 mlynedd, gwelodd 2022 adfywiad Gŵyl Eglwys Gadeiriol Llandaf. Dros gyfnod o bedwar diwrnod, roedd 27 o ddigwyddiadau, a 22 ohonynt am ddim i’w mynychu.

Mae rhai uchafbwyntiau yn cynnwys:

Noson yn yr Opera

Dydd Sadwrn 8 Gorffennaf

Eglwys Gadeiriol Llandaf | 7.30pm | £10

Mae corws Gŵyl Gadeiriol Llandaf yn cyflwyno noson wefreiddiol yn yr opera gydag amrywiaeth o’r corysau opera gorau, gan gynnwys gwaith gan Puccini, Verdi, Strauss a Mozart.

Yn ymuno â nhw bydd y soprano Jessica Robinson a gyrhaeddodd rownd derfynol Canwr y Byd Caerdydd, y tenor Rhodri Jones a’r bariton Emyr Wyn Jones yn canu arias o Dido ac Aeneas, y Pysgotwyr Perl, Don Giovanni a Cavalleria Rusticana.

Sgwrs gyda Rowan Williams

Dydd Mawrth 4 Gorffennaf

Eglwys Gadeiriol Llandaf | 7.30pm | £10

Bydd Noson agoriadol yr Ŵyl yn gyfle unigryw i gael blas ar syniadau cyfoethog ac eang yr Esgob Rowan Williams.

Cyfarwyddwr Ffurfiant Sant Padarn, y Parchedig Dr Jordan Hillebert, sy’n holi Rowan Williams am y materion ysbrydol a’r nwydau deallusol sydd fwyaf annwyl i’w galon.

Jazz Hwyr Nos

Dydd Mercher 5 Gorffennaf

Capel Mair, Eglwys Gadeiriol Llandaf |9.30pm | £10

Mae Hot Club Gallois yn fand jazz sipsi 4 darn deinamig wedi’i leoli yn Ne Cymru sy’n chwarae dewisiadau poethaf yr Oes Swing. Mae eu set yn cynnwys clasuron Django Reinhardt (fel Minor Swing, Nuages, I’ll See You In My Dreams), safonau jazz â blas swing (Night & Day, Puttin’ On The Ritz, Oh, Lady Be Good!) a rhai gwreiddiol Hot Club Gallois. O sipsi i jitterbug, bossa i bolero, bydd Hot Club Gallois yn eich cludo i neuaddau dawns a gwersylloedd sipsiwn Paris yn y 1930au a’r 40au.

Twmpath

Dydd Gwener 7 Gorffennaf

Eglwys Gadeiriol Llandaf | 7.30pm | £10 i oedolion a £5 i blant!

Rydym yn clirio’r cadeiriau ac yn cynnal twmpath yng Nghorff yr Eglwys Gadeiriol! Bydd cerddorion a galwr Band Skite Ceilidh yn arwain y fersiwn Gymraeg o ddawns ysgubor, a bydd bar i leddfu’r syched hefyd. Hwyl i’r teulu cyfan.

Find out more about the festival and book your tickets now on the Llandaff Cathedral Festival website.