Byddwch yn Barod am lu o Ddathliadau wrth i Gaerdydd Baratoi ar Gyfer Nadolig 2023

28 July 2023

Ar ôl dathlu heuldro’r Haf, rydym wedi gadael i’n ffocws grwydro i ddathliadau’r Nadolig y bydd Caerdydd yn eu cynnig y gaeaf hwn. Gan gymryd hoe o haul yr haf, rydyn ni wedi bod yn meddwl am ŵyl y gaeaf lle mae tymor hudolus yr ŵyl yn dod yn fyw.

Dyma ragflas o rai o’r atgofion hudolus y gallwch eu gwneud yng Nghaerdydd dros y Nadolig:

1. Sglefrio iâ ar dir Castell.

Mae castell hanesyddol ein dinas yn gartref i Lawr Sglefrio a Llwybr Iâ Gŵyl y Gaeaf Caerdydd, y cyfan ar diroedd godidog Castell Caerdydd. O sglefrio rhamantus gyda’r machlud, gyda’r Gorthwr Normanaidd yn gefnlen ddramatig, i ddiwrnod o hwyl i’r teulu (gyda nythfa o bengwin-gynorthwywyr i westeion llai), mae’r llawr sglefrio dan do yn addas ar gyfer pawb o bob oedran a gallu.

Digwyddiad tocyn: 16 Tachwedd 2023 i 2 Ionawr 2024

2. Gŵyl y Gaeaf yn Lawnt Neuadd y Ddinas

Cadwch yr hwyl i fynd drwy fynd draw i Lawnt Neuadd Dinas Caerdydd ar gyfer llu o weithgareddau yn ail safle Gŵyl y Gaeaf Caerdydd, o ddetholiad o reidiau a gemau ffair i’r bar apres-ski Sur La Piste, ynghyd â rhestr lawn o adloniant am ddim i’r teulu. Y ffordd ddelfrydol o dreulio noson Nadoligaidd.

Mynediad am ddim:  16 Tachwedd 2023 i 2 Ionawr 2024

3. Mwynhau ym mar mwyaf cŵl y ddinas.

Draw ar Lawntiau Neuadd y Ddinas, yng nghanol holl hwyl y ffair, mae’r tymereddau is-sero yn y Bar Barrug yng Ngŵyl y Gaeaf Caerdydd yn golygu mai hwn yw’r lle mwyaf cŵl i ymlacio’r Nadolig hwn. Mae wedi ei wneud yn gyfan gwbl allan o iâ, felly gwisgwch yn gynnes i fwynhau diod gyda’ch ffrindiau!

Digwyddiad tocyn: Dyddiadau i’w cadarnhau

4. Mae Y Nadolig ym Mharc Bute yn dychwelyd i’r ddinas gyda phrofiad newydd, mwy.

Mae llwybr goleuadau Y Nadolig ym Mharc Bute, sydd wedi ennill gwobrau, yn ôl am ei thrydedd flwyddyn gyda llu o olygfeydd newydd. Mae’r llwybr hudolus, eleni, yn dilyn llwybr newydd sydd 50% yn hirach, byddwch yn barod i ddisgwyl yr annisgwyl yn un o’r profiadau mwyaf trochol sy’n haeddu cael ei rannu ar Instagram. Mae’r rheiny sy’n dod am y tro cyntaf a’r rheiny sy’n dychwelyd yn cael profiad bythgofiadwy i’r teulu cyfan ei fwynhau, gan wybod bod refeniw tocynnau yn cefnogi dros 40 o elusennau ac ysgolion.

Digwyddiad tocyn: 24 Tachwedd 2023 i 1 Ionawr 2024

5. Gwisgo’n gynnes a dewis yr anrheg berffaith i anwyliaid yn y Farchnad Nadolig draddodiadol.

Yn rhan annatod o gyfnod y Nadolig, y mae siopwyr yn heidio iddo, mae Marchnad Nadolig Caerdydd yn gartref i emwaith arian unigryw, gwaith celf gwreiddiol, gwaith gwydr tawdd hardd, cerameg wedi’i thaflu â llaw, cwiltiau a thecstilau wedi’u gwneud â llaw, bwyd a diod tymhorol, a llawer mwy. Sgwrsiwch â’r gwneuthurwyr talentog a mwynhewch awyrgylch unigryw’r ŵyl wrth i chi grwydro drwy’r chalets pren traddodiadol.
Mynediad am ddim: 9 Tachwedd 2023 i 23 Rhagfyr 2023

6. Profi hud a hiraeth sioe Spiegeltent.

Ar ôl ymddangosiad cyntaf llwyddiannus y llynedd, mae’r Spiegeltent Ewropeaidd godidog yn dychwelyd, gan sefydlu’r Nadolig hwn ar dir Parc Bute. Wedi’i adeiladu o bren, drychau, cynfas a gwydr plwm a’i addurno mewn brocêd melfed, bydd y Spiegeltent yn sgubo ymwelwyr i ffwrdd i fyd hiraethus a hudolus. Mae’r sioe ‘Castellana’ a’r sioeau ‘Santa’s Wish’ yn ôl ac mae’r sioe ‘Welsh of the West End’ felodig yn ymuno â nhw, rhowch nhw yn eich calendr Nadolig.

Digwyddiad tocyn: 1 Rhagfyr 2023 – 24 Rhagfyr 2023

7. Mynd am dro drwy’r Arcedau Fictoraidd cain.

Roedd pobl Oes Fictoria yn deall y Nadolig i’r dim, ac mae Arcedau Fictoraidd Caerdydd yn driw i’r traddodiad. Wedi’u haddurno’n ar gyfer yr ŵyl, mae ‘na hud syml i grwydro drwy’r ddrysfa o arcedau, a stopio am goffi neu damaid o fwyd yn un o’r nifer o gaffis a bwytai annibynnol y byddwch yn eu darganfod rhwng y siopau bwtîc.

8. Ewch i Ddewi Sant i gwblhau eich siopa Nadolig

Nid oes amser gwell i fwynhau rhywfaint o siopa Nadoligaidd ym mhrif gyrchfan manwerthu Cymru, o ffefrynnau’r stryd fawr i frandiau cynllunydd, fe ddewch o hyd i’r anrheg berffaith honno (neu efallai trît i chi’ch hun!). Gyda thros 180 o siopau, caffis a bwytai i’w darganfod, Dewi Sant yw’r cyrchfan delfrydol am ddiwrnod allan – p’un ai a ydych yn bwriadu diddanu’r teulu gyda Treetop Golf a Cineworld, tretio’ch hun i ginio neu swper gyda ffrindiau, neu ddod o hyd i’r wisg berffaith ar gyfer parti’r Nadolig.

9. Swatio’n glyd mewn caban ym Maes yr Ŵyl.

Rhwng prynu anrhegion i’ch ffrindiau a’ch teulu, beth am sbwylio’ch hunan y Nadolig hwn? Yn hafan Fafaraidd atmosfferig, Maes yr Ŵyl yw’r lle perffaith i ymlacio gyda chwrw a bratwurst a chael ail wynt cyn y rownd nesaf o siopa Nadolig.

Dates: From 16 November 2023

10. Gwylio Goleuadau’r Nadolig yn disgleirio.

Unwaith eto, bydd canol dinas Caerdydd yn dechrau disgleirio wrth i oleuadau Nadolig hyfryd y ddinas gael eu cynnau am y tro cyntaf, gan nodi dechrau Nadolig Caerdydd.

11. Cwrdd â Siôn Corn mewn Groto Nadolig gwych.

Ni fyddai’r Nadolig yn gyflawn heb gyfle i gwrdd â Siôn Corn. Mae’n brysur yn cynllunio lle bydd ef a’i goblynnod yn ymddangos yn y ddinas y gaeaf hwn, felly cadwch lygad i weld lle bydd eleni.

Digwyddiad tocyn:  16 Tachwedd – 24 Rhagfyr 2023.

12. Book a Festive Welsh Banquet at Cardiff Castle

It’s time for festive feasts and fun in the Castle’s vaulted, fifteenth century Undercroft, join us for a very merry Christmas Banquet with traditional Welsh entertainment.

For an informal evening of fabulous music and great entertainment, the Castle’s traditional Welsh Banquet is a must. With Mead tasting on arrival and a Master of Ceremonies to guide you through the evening you will soon be joining in all the hwyl of the night!

Pre-booking required, dates from November through December

13. Mwynhau noson allan Nadoligaidd gyda ffrindiau a theulu.

Mae’r Nadolig i gyd am deulu a ffrindiau, a pha ffordd well o’i ddathlu na gyda noson allan dda? Mae Caerdydd yn hafan i’r rheiny sy’n frwd dros fwyd – ac mae tudalennau Bwyta ac Yfed Croeso Caerdydd yn llawn lleoedd ar gyfer gwledda dros y Nadolig. Cofleidiwch draddodiad gyda’r holl drimins yn y Pontcanna Inn, neu rhowch gynnig ar brydau gwych Daffodil, sy’n hyrwyddo cynnyrch Cymreig, efallai gyda gwydraid o win o’u rhestr gynhwysfawr – mae’n Nadolig wedi’r cyfan.

14. Dyblu’r hwyl drwy aros dros nos.

Mae gormod i’w wneud mewn dim ond un diwrnod yng Nghaerdydd y Nadolig hwn, felly beth am wneud noson ohoni ac aros dros nos yn un o westai’r brifddinas? O rywle modern, ffasiynol yng nghanol dinas brysur i foethusrwydd hamddenol gwesty sba neu noson yn ardal hanesyddol Bae Caerdydd, rydych chi’n siŵr o ddeffro’n barod am fwy o hwyl yr ŵyl!

Am fwy o wybodaeth am Nadolig Caerdydd, ewch i: www.croesocaerdydd.com/nadolig – sydd bob amser â’r diweddaraf o ran digwyddiadau drwy gydol tymor y Nadolig.