NOSWEITHIAU BLAS AR GYMRU YN THE WELSH HOUSE, CAERDYDD

4ydd o Ebrill 2024

_______________________________________________________

“Adloniant perffaith gyda chymysgedd hyfryd o fwyd a diod o Gymru!”

Noson gofiadwy o fwyd a diod o Gymru a barddoniaeth a chân yn The Welsh House yng Nghaerdydd – y cyflwyniad perffaith i’n gwlad brydferth.

Mae’r cwmni arobryn, Loving Welsh Food, yn falch iawn o fod yn gweithio gyda The Welsh House yng Nghaerdydd fel lleoliad newydd ar gyfer nosweithiau Blas ar Gymru eleni. Mae’r digwyddiad cyntaf yn cael ei gynnal ddydd Llun 15 Ebrill 2024.

“Bwyd anhygoel, adloniant difyr iawn – crynodeb gwych o’r hyn mae’n ei olygu i fod yn Gymry”.  Aidan Singh, Caerdydd

Mae The Welsh House yn fwyty a bar rhanbarthol annibynnol sy’n arddangos y bwyd a’r diod gorau o Gymru yng nghanol y ddinas ac mae’n gweini prydau ffres a blasus a gynhyrchir yn lleol mewn amgylchedd cyfforddus a hamddenol.

Ar fwydlen Blas ar Gymru – pryd blasus 3 chwrs yn The Welsh House ac yna noson o adloniant ysgafn yn dathlu popeth Cymreig. Wedi’i seilio’n fras ar y noson Cerddoriaeth, Cerddi a Chwrw draddodiadol, mae’r digwyddiad cyfoes hwn yn cynnwys cerddoriaeth hardd ac adnabyddus, cystadleuaeth limrig, barddoniaeth nad yw’n rhy ddifrifol a thrafod idiomau a nodweddion nodweddiadol y Cymry.

“Roedd yn gymysgedd hyfryd o adloniant ysgafn, llawn hiwmor. Dim byd rhy ddifrifol. Cynnig hyfryd o fwyd a diod o Gymru, ac roedd yr adloniant yn berffaith” Nia Hollins, Bro Morgannwg.

“Mae’n wych cael gweithio gyda The Welsh House, lleoliad gwych sy’n arddangos y bwyd a’r diod gorau o Gymru. Mae cerddoriaeth, barddoniaeth a bwyd wrth galon diwylliant Cymru ac mae hwn yn gyfle gwych i ni roi gwir flas ar Gymru i’n hymwelwyr lleol a rhyngwladol”. Sian Roberts, perchennog Loving Welsh Food

Mae bwydlen Blas ar Gymru The Welsh House yn iachus, yn flasus ac yn hael, wedi’i hysbrydoli gan brydau Cymreig traddodiadol gan ddefnyddio cynhwysion Cymreig gwych.

Plat rhannu Blas ar Gymru

(Pice ar y maen cennin a Cheddar Cymreig (V), popgorn cocos Cymreig, peli caws Pantysgawn a mayo bara lawr, darnau o gaws pob Cymreig (V))

Cawl cig oen traddodiadol (GF) gyda Cheddar Cymru a bara surdoes gyda chaws/ Cawl cennin a thatws gyda bara a chaws surdoes (V)

Pwdin bara menyn Bara Brith

”’Mae tîm The Welsh House wedi bod yn gweithio gyda Loving Welsh Food ers i ni agor yn gynnar yn 2023. Mae Sian wedi dod â phobl o bob cwr o’r byd i fwynhau Bwyd Cymru. Mae’r bartneriaeth yn cynrychioli popeth yr ydym yn credu ynddo yn The Welsh House, gan osod y llwyfan i gyflenwyr Cymru hyrwyddo’r cynhyrchion yr ydym yn fwyaf balch ohonynt, gan eu gwneud yn hygyrch i bawb sy’n ymweld. Rydym wrth ein bodd yn lletya’r ymwelwyr niferus y mae Sian a’i thîm yn dod â nhw i leoliadau The Welsh House ac edrychwn ymlaen at weld y bartneriaeth hon yn mynd o nerth i nerth.”

Mae Distyllfa Penderyn yn falch iawn o noddi cystadleuaeth Limerig Penderyn unwaith eto eleni, sydd bob amser yn uchafbwynt y noson. Bydd enillydd lwcus y gystadleuaeth limerig yn ennill potel o Penderyn Legend – wisgi brag sengl o gasgenni Madeira.

“Ni fyddai’r un digwyddiad Blas ar Gymru yn gyflawn heb Wisgi Brag Sengl Cymreig ac felly mae Penderyn yn falch iawn o fod yn rhan o’r digwyddiadau hyn – maen nhw’n ffordd wych o gael blas ar ein bwyd, diod a diwylliant.” Stephen Davies, Prif Weithredwr, Distyllfa Penderyn

Bydd Loving Welsh Food yn parhau i weithio gyda’r Cwmni Teithiau o’r Unol Daleithiau, Go Collette, eleni. Rhwng mis Mehefin 2024 a mis Mawrth 2025, bydd Go Collette, sy’n gwmni teuluol, yn dod â grwpiau o dwristiaid Americanaidd i Gaerdydd fel rhan o’u taith “Archwilio Prydain ac Iwerddon”. Mae noson Blas ar Gymru bob amser yn uchafbwynt y daith.

Cynhelir digwyddiadau Blas ar Gymru ar nos Sul a nos Lun drwy gydol y flwyddyn rhwng mis Ebrill a mis Hydref 2024.

Mae tocynnau ar werth i’r cyhoedd ac ar gael drwy wefan Loving Welsh Food.