Dathlwch Lwncdestun Ar Ŵyl Y Banc Gyda Phasport Gwin Caerdydd: Rhifyn Haf

Dydd Mercher, 21 Awst 2024

12 LLEOLIAD SY’N CYNNIG GWINOEDD BLASUS I’W SIPIO A’U SAWRIO Y PENWYTHNOS HWN

Yn gynharach y mis hwn, cychwynnodd Argraffiad Haf Pasbort Gwin Caerdydd 2024 – gan wahodd chwilwyr gwin cudd i gyfnewid stampiau pasbort am wydraid o win yn eu dewis o chwe bar a bwyty ledled y ddinas, gyda 15 lleoliad i ddewis o’u plith.

A chyda phenwythnos hir Gŵyl y Banc yn agosáu, does dim amser gwell i gael pasbort a mynd ar daith fino o amgylch rhai o’r lleoliadau indie gorau sydd gan brifddinas Cymru i’w cynnig – gyda 12 o’r 15 lleoliad pasbort ar agor i stampiau dros y penwythnos hir.

Lansiwyd Pasbort Gwin Caerdydd am y tro cyntaf ym mis Awst 2022; mae’r cynllun yn caniatáu i chwilwyr gwin eofn brynu ‘pasbort’ ffisegol y gellir ei ddefnyddio i hawlio chwe gwydraid o win a ddewiswyd yn arbennig mewn chwe lleoliad o’u dewis, gan ennill stampiau yn eu pasbort ar hyd y ffordd.

Mae ‘Argraffiad Haf’ 2024 Pasbort Gwin Caerdydd yn costio £27, ac mae bellach yn cynnwys pum lleoliad newydd y tu allan i ganol y ddinas – sy’n golygu bod cyfanswm o 15 lleoliad i ddewis o’u plith, a hyd yn oed mwy o amrywiaeth o ran y gwinoedd a’r coctels gwin sydd ar gael. Fel yn achos rhifynnau blaenorol, mae’r pasbort hefyd yn cynnig dewis o ddau blât ym mhob lleoliad; Am gost ychwanegol, gall deiliaid pasbort ychwanegu plât bach awgrymedig sydd wedi’i ddewis i gyd-fynd â’u gwydraid o win neu goctel yn berffaith.

Dros benwythnos hir gŵyl y banc, bydd y lleoliadau canlynol yn derbyn Pasbort Gwin Caerdydd:  Rhifyn yr Haf (yn amodol ar gapasiti’r lleoliad):

1. Bar 44: Bar tapas bywiog yng nghanol y ddinas; Bydd Bar 44 yn cynnig coctels i dorri syched gan gynnwys sieri Rebujito neu wydraid o rosé Tempranillo fel rhan o’r pasbort a bydd ar agor ar ddydd Sul Gŵyl y Banc.
2. Vermut: Mae’r bar twll-yn-y-wal clyd hwn yn arbenigo mewn gwerthu Sieri, Vermouth, a gwinoedd o Montilla-Moriles; maen nhw wedi cynnwys sieri canolig a vermouth coch fel rhan o’r pasbort a bydd ar agor ddydd Sul a dydd Llun gŵyl y banc.
3. Asador 44: Mae’r bwyty hwn yn gweini cynhwysion heb eu hail wedi’u coginio dros gril Sbaenaidd; yma gallwch chi ddewis paru gwydraid o cava â croqueta bisque corgimwch gyda meiones siarcol, neu wydraid o Tempranillo â byrbryd o surdoes a sobrasada. Byddant ar agor ar ddydd Sul a dydd Llun Gŵyl y Banc.
4. Bar Curado: Bar deli a pintxos poblogaidd yn Heol y Porth; mae’r pasbort yn cynnig dewis o ddau win Sbaenaidd, gyda pharu awgrymedig o Calamari ffres wedi’u ffrio neu Jamon cras ar dost. Byddan nhw’n stampio pasbortau ar ddydd Llun Gŵyl y Banc.
5. Lab 22: Mae’r bar coctel hwn ag arddull eclectig wedi ennill gwobrau ac yn ffefryn ymhlith torfeydd hwyr y nos. Maen nhw wedi creu dau goctel gwin unigryw ar gyfer y pasbort, gan gynnwys Kiss From A Rosé sy’n cynnwys rosé Zinfandel, mafon ffres, lemwn, ac Aquavit gan distyllwyr Cymreig lleol, Distyllfa Silver Circle. Byddan nhw ar agor ar ddydd Sul a dydd Llun Gŵyl y Banc.
6. Paralel: Y bwyty platiau bach hwn yw’r chwaer leoliad i’r bythol-boblogaidd Pasture drws nesaf. Mae Parallel wedi dewis arddangos eu pryd moron enwog fel rhan o’r pasbort, gan ei baru â gwin gwyn sych, canolig o Castilla La Mancha. Byddan nhw’n stampio pasbortau ar ddydd Llun Gŵyl y Banc.
7. The Dead Canary: Bydd y clwb yfed cudd hwn ar Lôn y Barics yn cynnig dau goctel gwin fel rhan o Basport Gwin Caerdydd ddydd Sul gŵyl y banc; y Summerhouse Bay byr a sbeislyd, neu’r Red Berry Bay â blas ceirios melys ac almon.
8. Bacareto: Bar caffi hamddenol ac anffurfiol, wedi’i ysbrydoli gan bàcari bach Fenis; mae Bacareto wedi dewis tynnu sylw at seidr mynydd Cymreig fel rhan o’r pasbort, gan fod iddo gymaint o debygrwydd â Gwin Naturiol. Gall selogion rhonc gwin dal i ddewis gwydraid o Frappato o’r Eidal, wedi’i baru â’u arancini bythol-boblogaidd. Byddan nhw ar agor ar ddydd Sul gŵyl y banc.
9. Daffodil: Ar ddydd Sul a dydd Llun gŵyl y banc gallwch chi gael gwin verdejo o Sbaen, gyda Scallops brenin wedi’i coginio gyda Wisgi Penderyn, menyn a ham crimp Caerfyrddin – neu baru gwydraid o rosé gyda’u plât antipasti blasus.
10. Silures: Yn y bistro modern hwn yn y Rhath, gallwch baru Chardonnay o’r Ariannin â Merfog Môr Cernyw wedi’i halltu – neu beth am win coch blasus gyda phryd o domatos haf, tapenade ac wy soflieir ar ddydd Sul gŵyl y banc.
11. Heaneys: Ar ddydd Sul gŵyl y banc, bydd dau win o Bortiwgal ar gael ym mwyty Heaney ym Mhontcana; un wedi’i baru â gurnard wedi’i halltu ac Ajo Blanco, a’r llall â phâr o dartenni Comte a winwns aeddfed bach.
12. Uisce: Mwynhewch wydraid ar deras heulog Uisce fel rhan o basbort gwin yr haf; wedi’i baru â slab blasus o grancod ar dost gyda mayo menyn brown. Byddan nhw ar agor ar ddydd Sul gŵyl y banc.

Crëwyd Pasbort Gwin Caerdydd gan selogion gwin ac ymgynghorydd cysylltiadau cyhoeddus annibynnol Jane Cook, fel ffordd o arddangos rhai o fariau a bwytai annibynnol gorau’r ddinas – llefydd y gellir eu hanwybyddu weithiau o blaid cadwyni enw mawr.

Ers y cynllun treialu cyntaf yn 2022, mae Pasbort Gwin Caerdydd wedi ychwanegu mwy na £50,000 at refeniw busnesau lletygarwch amgen Caerdydd, ac mae Rhifyn Haf 2024 unwaith eto wedi’i gefnogi gan Caerdydd AM BYTH, yr Ardal Gwella Busnes nid-er-elw (AGB).

Mae llond llaw o Basbortau Gwin Caerdydd ar werth o hyd – mynnwch eich un chi mewn pryd ar gyfer penwythnos gŵyl y banc yn: www.cardiffwinepassport.co.uk.

I gael rhagor o wybodaeth, dilynwch Pasbort Gwin Caerdydd ar Twitter, Instagram a Facebook yn @cdfwinepassport.