Beth wyt ti'n edrych am?
Darganfyddwch Gaerdydd ar ei mwyaf hudolus wrth i ganol y ddinas ddisgleirio gyda goleuadau Nadolig, arddangosfeydd goleuedig a gosodiadau Nadoligaidd. O’r rhodfeydd hanesyddol a’r strydoedd siopa i Farchnad Caerdydd, Central Square a Pharc Bute, mae digon o leoedd i fwynhau goleuadau Nadolig Caerdydd y tymor hwn.
Dewch i wybod pryd y bydd y goleuadau’n cael eu goleuo, ble i’w gweld a sut i fanteisio i’r eithaf ar noson Nadoligaidd ym mhrifddinas Cymru.
Pryd mae goleuadau Nadolig Caerdydd yn cael eu troi ymlaen?
- Yn draddodiadol, mae prif oleuadau Nadolig canol dinas Caerdydd yn cael eu goleuo o ganol mis Tachwedd, gyda harddangosfeydd yn ymddangos ledled y ddinas wrth i’r tywyllwch ddisgyn.
Ble gallaf weld goleuadau Nadolig yng Nghaerdydd?
- Cadwch lygad am harddangosfeydd Nadoligaidd o amgylch canol y ddinas, gan gynnwys yr arcêdau hanesyddol, Marchnad Caerdydd, Central Square, St David’s (Dewi Sant) a’r prif strydoedd siopa.
A yw goleuadau Nadolig Caerdydd yn rhad ac am ddim?
- Ydynt. Gellir mwynhau goleuadau Nadolig canol y ddinas a’r harddangosfeydd awyr agored yn rhad ac am ddim. Mae angen tocynnau ar gyfer rhai llwybrau goleuadau ac atyniadau Nadolig ar wahân.
Ble gallaf weld llwybrau goleuadau Nadolig yng Nghaerdydd?
- Mae ‘Christmas at Bute Park’ yn cynnig llwybr goleuedig milltir o hyd drwy’r parc – sy’n gofyn am docyn – rhwng 19 Tachwedd a 31 Rhagfyr 2026.
Ble mae goleuadau’r Nadolig yng Nghaerdydd?
GOLEUADAU NADOLIG CANOL Y DDINAS
Ble: Strydoedd Canol y Ddinas
Pryd: Iau, 12 Tachwedd 2026 – Sul, 3 Ionawr 2027
Fel sy’n draddodiadol i Gaerdydd, y dydd Iau cyntaf yn dilyn Sul y Cofio bydd ein goleuadau’n mynd ymlaen am y tro cyntaf. Eleni mae’n disgyn ar ddydd Iau 12 Tachwedd pan fydd y prif strydoedd cerddwyr a’r ardaloedd manwerthu i gyd yn disgleirio’n llawen, a bydd uchafbwyntiau tymhorol gan gynnwys y Farchnad Nadolig a Gŵyl y Gaeaf Caerdydd yn agor.
GOLEUADAU YM MHARC BUTE
Ble: Parc Bute
Pryd: Iau, 19 Tachwedd 2026 – Iau, 31 Rhagfyr 2026
Mae ‘The Spirit of Christmas’ ym Mharc Bute yn cynnig llwybr goleuadau Nadolig ysblennydd milltir o hyd drwy’r parc. Crwydrwch drwy’r arddangosfa syfrdanol, darganfyddwch syrpréisiau cudd, a mwynhewch awyrgylch yr Wyl ym Mhentref y Nadolig.
DINAS YR ARCÊDAU
Ble: Canol Dinas Caerdydd
Pryd: O ddydd Iau, 12 Tachwedd 2026
Mae Dinas yr Arcêdau, Caerdydd, yn cynrychioli 150 mlynedd o hanes manwerthu Cymru sy’n cynnwys ein saith arcêd siopa Fictoraidd ac Edwardaidd hardd. Adeg y Nadolig, mae profiad bwtic yr arcêdau hyd yn oed yn fwy arbennig gydag arddangosfeydd trawiadol o oleuadau disglair ac addurniadau traddodiadol.
ST DAVID’S DEWI SANT
Ble: Canol Dinas Caerdydd
Pryd: O ddydd Mawrth 3 Tachwedd
Mae prif gyrchfan siopa dan do Caerdydd yn rhoi llawer iawn o ymdrech i’w harddangosfeydd blynyddol o addurniadau a goleuadau Nadolig. Os na allwch aros tan fis Tachwedd, yna ewch am apêl Nadolig gynnar o Hydref 30ain, pan fydd y gosodiad graddol yn dechrau.
Y NADOLIG YNG NGHAERDYDD
Does byth amser drwg i Ymweld â Chaerdydd, gyda chymaint o ddigwyddiadau, atyniadau a phethau i’w gweld ym mhrifddinas ffyniannus Cymru, ond mae ‘na wastad rhywbeth hudolus am y ddinas adeg y Nadolig. Felly, teimlwch fod ysbryd y tymor yn dod yn fyw, beth bynnag sy'n ei wneud yn arbennig i chi, mae gan y Nadolig yng Nghaerdydd rywbeth i bawb.