High Society

Gwybodaeth am y Digwyddiad

Cliriwch eich dyddiadur, oherwydd rydych chi’n cael eich gwahodd i barti mwyaf bendigedig y flwyddyn, High Society gan Cole Porter.

Yn dilyn The King and I a Fiddler on the Roof, mae’r cynhyrchiad mwyaf cyffrous eleni yn cyflwyno dos gogoneddus arall o ddihangfa theatr gerddorol yr Oes Aur.

Helen George (Call the Midwife, The King and I) sy’n arwain y cast o 28 fel y gymdeithaswraig hudolus Tracy Lord yn y cynhyrchiad newydd moethus hwn, lle mae’r cynlluniau ar gyfer priodas ffasiynol y flwyddyn yn disgyn i anhrefn wrth i gariadon hen a newydd gystadlu am sylw, a gohebydd tabloid craff yn chwilio am sgandal yn yr ystâd ger y glannau.

Wedi’i gynhyrchu gan dîm creadigol sydd wedi ennill sawl gwobr, gan gynnwys Rachel Kavanaugh a’r coreograffydd Anthony Van Laast a gyda sgôr sy’n llawn o ganeuon gorau Cole Porter gan gynnwys Just One Of Those Things, Let’s Misbehave, I Love Paris, Who Wants To Be a Millionaire?, Well Did You Evah?, True Love a llawer mwy, mae High Society gan Cole Porter yn datgan bod y Tymor wedi dechrau’n swyddogol!