Beth wyt ti'n edrych am?
Mae Croeso Caerdydd wedi ymuno â Cardiff Devils i ddangos Brandon Estes, Christian Stoever a Brett Ferguson o gwmpas rhai o’n prif atyniadau yng nghanol y ddinas.
Gwnaethon nhw gerdded i’r mannau canlynol:
- 🏉 Parc yr Arfau Caerdydd, cartref Rygbi Caerdydd
- 🎥 BBC Cymru Wales
- 🏰 Castell Caerdydd
- 🍻 Barbara’s Bier Haus
A gallwch chi archwilio Caerdydd hefyd, gyda’r holl leoliadau ar agor i’r cyhoedd.
Gwyliwch driawd Cardiff Devils yn archwilio prifddinas Cymru.
PARC YR ARFAU CAERDYDD, CARTREF RYGBI CAERDYDD
Heol y Porth, CF10 1JA
Aeth Cardiff Devils i Rygbi Caerdydd lle dysgodd y chwaraewyr Teddy Williams ac Evan Lloyd hanfodion y gamp iddynt. Hefyd, gwnaethon nhw ddysgu am 150 mlynedd o hanes y tîm, ac ymweld â’r ystafell dlysau ym Mharc yr Arfau eiconig.
Mae tymor Rygbi Caerdydd fel arfer yn rhedeg o fis Medi i fis Mai os ydych chi am ychwanegu chwaraeon at eich penwythnos, neu os ydych chi’n archwilio Caerdydd yn ystod yr wythnos, mae’n werth edrych ar yr ystafell dlysau neu’r Tŷ Clwb, gyda mynediad i’r ddau am ddim.
TEITHIAU BBC CYMRU WALES
Sgwâr Canolog, CF10 1FT
Ymunodd y Devils â’u tywyswyr cyfeillgar ar daith unigryw y tu ôl i’r llenni o gwmpas BBC Cymru Wales, gan archwilio setiau rhai o sioeau eiconig y BBC, yn ogystal â’r stiwdios newyddion a radio, a hyd yn oed rhoi cynnig ar gyflwyno’r tywydd – ac mae’r rhagolygon yn edrych yn ffafriol yn Arena Vindico yng Nghaerdydd.
Gallwch ymweld â BBC Cymru Wales eich hun gyda golwg ryngweithiol y tu ôl i’r llenni ar stiwdio ddarlledu fwyaf modern y BBC. Gellir archebu teithiau cyhoeddus ymlaen llaw ar gyfer dydd Mercher i ddydd Sul.
CASTELL CAERDYDD
Stryd y Castell, CF10 3RB
Yna aeth y Cardiff Devils i Gastell Caerdydd, i archwilio bron i 2,000 o flynyddoedd o hanes yng nghanol y ddinas. Yn ogystal ag olion caer Rufeinig a chadarnle Normanaidd, gwelon nhw’r gyfres foethus o fflatiau Fictoraidd neo-Gothig a grëwyd ar gyfer 3ydd Ardalydd Bute, un o ddynion cyfoethoca’r byd yn ei amser.
Gallwch archebu mynediad i Gastell Caerdydd (neu ddefnyddio eich Allwedd y Castell i ddatgloi ymweliad), yna ychwanegwch Daith o’r Tŷ i ddarganfod y straeon y tu mewn.
BARBARA’S BIER HAUS
Lôn y Felin, CF10 1FL
Mae Barbara’s yn bendant yn fan poblogaidd rheolaidd i chwaraewyr y Devils ymlacio après-hoci (neu ar ôl archwilio canol y ddinas) a mwynhau sleisen o pizza, neu efallai mygaid o gwrw, yn ogystal â chadw llygad am eitemau cofiadwy Cardiff Devils y tu ôl i’r bar!
👀 Cadwch eich llygaid ar agor am ragor o glipiau o ddiwrnod allan Cardiff Devils.
RAFFL CARDIFF DEVILS
Mae Croeso Caerdydd wedi ymuno â noddwyr canol dinas Cardiff Devils i gynnig gwobr anhygoel i ddau! Bydd un enillydd lwcus a'i westai yn mwynhau un arhosiad dros nos gyda brecwast yng Ngwesty'r Clayton Caerdydd, cinio i ddau yn Côte Brasserie, noson allan yn Barbara’s Bier Haus, a thocynnau i Gastell Caerdydd.
Mae Caerdydd yn brifddinas chwaraeon o'r radd flaenaf.
