P!NK | Thaith Carnifal Haf

Gwybodaeth am y Digwyddiad

P!NK

Live at the Principality Stadium on Tue, 11 Jun 2024

Mae PINK yn dychwelyd yn 2024, gan ddechrau ar ei thaith Carnifal Haf y Byd ryfeddol yn Stadiwm Principality yng Nghaerdydd.  Oherwydd y galw digynsail gan ei chefnogwyr ledled y DU ac Ewrop, mae’r eicon cerddoriaeth yn cyhoeddi dyddiadau newydd sbon heddiw (21 Tachwedd 2023) ar gyfer y daith ryfeddol wnaeth werthu allan ym mhob sioe yr haf diwethaf, gan swyno dros filiwn o’i chefnogwyr ar hyd y ffordd.

Bydd PINK yn dechrau ar ei thaith enfawr yn Stadiwm Principality yng Nghaerdydd ar 11 Mehefin, 2024. Mae’n dychwelyd i brifddinas Cymru am y tro cyntaf mewn pum mlynedd ar ôl i’w sioe werthu allan yn y stadiwm yn ôl yn 2019. Mewn adolygiad 5 seren, disgrifiodd The Guardian ei pherfformiad yn Stadiwm Principality 2019 fel “terfysg o athletau syrcas a chaneuon poblogaidd”. Mae’n addas bod PINK yn dychwelyd ar flwyddyn bwysig i’r stadiwm sydd yn dathlu ei ben-blwydd yn 25 oed yr un mis.

Wrth siarad am ddychwelyd i Gaerdydd, dywedodd PINK: “Mae dechrau’r daith yng Nghaerdydd yn mynd i fod yn HWYL! Mae wedi bod yn RHY HIR ers i mi fod yng Nghymru, ac mae dathlu 25 mlynedd y lleoliad anhygoel hwn yn mynd i’w wneud yn fwy arbennig!”